"စိုက်ပျိုးရေး လုပ်ကိုင်ဖို့အတွက် တော်တော်လေး အဟန့်အတား ဖြစ်နေတယ်"

  

ဖြိုးသီဟချို / Myanmar Now

ဟားခါး (Myanmar Now) – ချင်းပြည်နယ်မှာ တောင်ယာခုတ်မှုကြောင့် စမ်းရေခမ်းခြောက်လာပြီး စိုက်ပျိုးရေးလုပ်ငန်း ထိခိုက်နေတယ်လို့  ဟားခါးခရိုင် စိုက်ပျိုးရေးဦးစီးဌာန ဦးစီးမှုး ဦးဟုန်းကီးက ပြောပါတယ်။

ဦးစီးမှူးက ၁၉၉၈ ခုနှစ်မှာ ရေဆင်း  စိုက်ပျိုးရေး တက္ကသိုလ်ကနေ ဘွဲ့ရခဲ့ပြီးနောက်ပိုင်း ဇာတိ ချင်းပြည်နယ်မှာပဲ  စိုက်ပျိုးရေးဌာနတာဝန် ထမ်းရတဲ့အတွက် ဂုဏ်ယူနေပါတယ်။

Myanmar Now နဲ့ မကြာသေးခင်က တွေ့ဆုံရာမှာ ဦးစီးမှူးက ဒေသတွင်း စိုက်ပျိုးရေးအခြေအနေ၊ ပတ်ဝန်းကျင် ပျက်စီးပြီး ရာသီဥတု ပြောင်းလဲမှု၊ အမြဲတမ်း တောင်ယာစနစ် အကောင်အထည် ဖော်ခြင်းတို့ အကြောင်း ပြောပြထားပါတယ်။

မေး။     ။ ချင်းတောင်ပေါ်ဒေသမှာ စိုက်ပျိုးရေးသမားတွေ အဓိက ရင်ဆိုင်နေရတဲ့ အခက်အခဲကို ပြောပြပေးပါ။

ဖြေ။     ။ အဓိက ကတော့ မျိုးစေ့ကဏ္ဍဖြစ်ပါတယ်။ ဒေသရေမြေနဲ့ကိုက်ညီတဲ့ မျိုးစေ့တွေကို လုံလုံ လောက်လောက် မပေးနိုင်ပါဘူး။  စိုက်ပျိုးရေးဦးစီးဌာနမှာလိုအပ်နေတဲ့ မျိုးစေ့ခြံတွေ အပြည့်အဝ မဖော်ဆောင်ပေးနိုင်တာ တွေ့ရပါတယ်။ 

မေး။     ။ ချင်းပြည်နယ်က မျိုးစေ့ခြံအကြောင်း ပြောပြပေးပါ။

ဖြေ။     ။ ဟိုးအရင်ခေတ်တုန်းက သုတေသနခြံအဖြစ် ရပ်တည်ခဲ့တယ်။ နောက်ပိုင်းမှာ အခြေအနေ အရပ်ရပ်ကြောင့် ဟင်းသီး၊ ဟင်းရွက်မျိုးစေ့ သော်လည်းကောင်း၊ နှစ်ရှည်မျိုးစေ့သော်လည်းကောင်း ဖြန့်ဖြူးနိုင်ဖို့ ၊ ချင်းပြည်နယ်တောင်ပိုင်း မင်းတပ်ဒေသမှာဆို ထောပတ်မျိုးတွေကို ဖြန့်ဖြူးနိုင်ဖို့ ကျွန်တော်တို့ ဆောင်ရွက်နေပါတယ်။  ကော်ဖီ ဆိုရင်လည်း ဒေသနဲ့ ကိုက်ညီမယ့် ကော်ဖီမျိုးစေ့ကို ထုတ်လုပ် ဖြန့်ဖြူးဖို့ စီမံ နေပါတယ်။

မေး။     ။ မျိုးခြံတွေကို ဘယ်လိုလုပ်ကိုင်နေကြပါသလဲ။

ဖြေ။     ။ အရင်တုန်းကတော့ ရှိတယ်လို့ပဲ ဆိုရမလား၊ လုပ်ဆောင်မှုလေးတွေ နည်းနည်းလေး အားနည်းပါတယ်။  ဒေသမှာ ပညာရှင်တွေလည်း အများကြီး လိုအပ်ပါတယ်။  မြေပြန့်ဒေသမှာလို မျိုးစေ့ခြံရယ်လို့ သီးသန့်ကြီး မရှိပါဘူး၊ ထိန်းသိမ်းရေးခြံအနေနဲ့ပဲ ရှိခဲ့ပါတယ်၊ မင်းတပ် (ချင်းပြည်နယ် တောင်ပိုင်းမြို့) မှာဆို ဧက ထောင်နဲ့ချီပြီး ရှိပါတယ်။   ထောပတ်သီးနှံကို ထိန်းသိမ်းနေတယ်။ ရွေပြောင်း တောင်ယာစနစ် ပပျောက်ဖို့ ရည်ရွယ်ပြီးတော့ အစေ့ထုတ်ပြောင်းမျိုး ထုတ်လုပ်ခြင်းတို့၊ စပါးမျိုး ထုတ်လုပ်ခြင်းတို့ကို မဆောင်ရွက်နိုင်သေးပါဘူး။ နှစ်ရှည်ပျိုးပင် ထုတ်လုပ်တဲ့ ခြေလှမ်းအဆင့်ကိုပဲ ဖော်ဆောင်ပေးနိုင်ပါသေးတယ်။

မေး။     ။ စိုက်ပျိုးရေးဦးစီးဌာနက စိုက်ပျိုးရေးကဏ္ဍ တိုးတက်ဖို့ ဘယ်လို  ကူညီပေးနေပါသလဲ။

ဖြေ။     ။ ကျွန်တော်တို့ အစိုးရသစ်လက်ထက်မှာတော့ အမြဲတမ်းစိုက်ပျိုးမြေဧက ဖော်ဆောင်ရေးနဲ့ ရွှေ့ပြောင်းတောင်ယာစနစ် လျော့ကျရေးအတွက် အဓိကလုပ်နေပါတယ်။ ချင်းပြည်မှာ ၅၅ ဧက ဖော်ဆောင်မယ် ဆိုတဲ့ ညွန်ကြားချက်နဲ့အတူ နေရာ သတ်မှတ်ခြင်း၊ စီမံချက်ရေးဆွဲခြင်းတွေကို လုပ်ဆောင်နေပါပြီ။ ဒီနှစ်မှာ စံပြ ကွက်အနေနဲ့ လွှမ်းခြုံနိုင်မယ့် ဟားခါးခရိုင်မှာဆို ဧက ၃ဝရှိပါတယ်။ အဲဒီ ဧက ၃ဝ ကို နေရာတွေ ရွေးပြီးတာနဲ့ ဇုန်တွေ သတ်မှတ်ပြီးတော့ ဆောင်ရွက်ဖို့ရှိပါတယ်။

မေး။     ။ ချင်းတောင်းတန်းစိုက်ပျိုးရေးမှာ ရွှေ့ပြောင်းတောင်ယာ လုပ်ကိုင်တာက တစ်နှစ်ကို ဘယ်လောက်များရှိလဲ၊ ဒါဟာ လက်ရှိဖြစ်ပေါ်နေတဲ့မြေပြိုမှုတွေ၊ ရေကြီးရေလျှံမှုတွေနဲ့ ဆက်စပ်နေပါသလား။

ဖြေ။     ။ ချင်းတောင်သူတွေရဲ့ ၇၅ရာခိုင်နှုန်းက ရွေ့ပြောင်းတောင်ယာလုပ်ငန်းကို လုပ်ကိုင်နေကြရတာပါ။  ချင်းပြည်နယ်မှာ ၉မြို့နယ်ရှိပါတယ်။   တစ်နှစ်၊ တစ်နှစ်ကို ဧကပေါင်း သိန်းနဲ့ချီပြီး ရွှေ့ပြောင်းတောင်ယာ ခုတ်ပြီးတော့ ရွှေ့ပြောင်းတောင်ယာစနစ်ကို လက်ခံကျင့်သုံးနေကြပါတယ်။  အခုလက်တလောဖြစ်နေတဲ့ မြေပြိုမှုတွေနဲ့ ဆက်စပ်မှုတော့ အများကြီးရှိပါတယ်။ ဒါပေမယ့် ရွှေ့ပြောင်းတောင်ယာမှ မလုပ်ရင် တောင်သူတွေဟာ လုပ်ကိုင်စားသောက်ဖို့မရှိတဲ့အတွက် ဒီဟာတွေကို စဉ်ဆက်မပြတ် လုပ်နေကြပါတယ်။  အခုတော့ အစိုးရအဖွဲ့၊ NGO အဖွဲ့၊ INGO အဖွဲ့တွေနဲ့ အမြဲတမ်းစိုက်ကွက် ဖော်ဆောင်နိုင်ဖို့ ပူးပေါင်းပြီးတော့ ပညာပေးခြင်းလုပ်ငန်း ၊ စံပြကွက်လုပ်ငန်းတွေကို ဆောင်ရွက်လျက်ရှိပါတယ်။

မေး။     ။ အမြဲတမ်းစိုက်ပျိုးမြေ ဖော်ဆောင်ဖို့ ဘယ်လောက်လျာထားပါသလဲ။  မဖော်ဆောင်နိုင်ရင် ချင်းတောင်တန်းအတွက် ဘယ်လောက်တောင် အန္တရာယ်ရှိနေပါသလဲ။

ဖြေ။     ။ အဓိကကတော့လူပါပဲ။  ဒေသခံလူထုတွေက ဒီရွှေ့ပြောင်းတောင်ယာမှ မလုပ်ရရင် တခြား လုပ်ကိုင် စားသောက်စရာမရှိဘူး။ ဒီတော့ ဒါကိုဆက်ပြီးတော့လုပ်ကိုင်နေမှာပဲ။ သူ့ရဲ့ ဆိုးကျိုးအနေနဲ့ဆိုရင် သဘာဝ ပတ်ဝန်းကျင် ပျက်စီးသွားတဲ့အတွက်၊ ရာသီဥတု လုံးဝ ပြောင်းလဲသွားတဲ့အတွက်၊ အရင်ဖြစ်ပြီးသား နှစ်ရှည် သီးနှံတောင် အခု မဖြစ်တော့ဘူး။ ပြီးတော့ မြေဆီသြဇာက ခမ်းခြောက်လာတယ်။ အရင်တုန်းကဆို မြေဆီသြဇာ ကောင်းခဲ့တယ်။ ရွှေ့ပြောင်းတောင်ယာမှာ တင်း ၃ဝ ထွက်ခဲ့တယ်။ ခု တင်း ၃ဝ ထွက်ဖို့ ဆိုတာ မဖြစ်နိုင်တော့ဘူး။ ဒေသခံပြည်သူများလည်း ဝင်ငွေရရှိမှု၊ ဒေသဆန်ဖူလုံမှုလည်း မရှိခဲ့ပါဘူး။   ကျွန်တော်တို့ ဒေသမှာ ရှိခဲ့တဲ့ စမ်းချောင်းလေးတွေကအစ အခုဆိုရင် လုံးဝ သိသိသာသာကို ခမ်းခြောက်သွားပြီးတော့ စိုက်ပျိုးရေး လုပ်ကိုင်ဖို့အတွက် တော်တော်လေး အဟန့်အတား ဖြစ်နေတယ်လို့ ပြောချင်ပါတယ်။

မေး။     ။  ရွေ့ပြောင်းတောင်ယာ ဆိုးကျိုးတွေကို ပညာပေးသွားဖို့ ရှိပါသလား။

ဖြေ။     ။ ရှိပါတယ်။ ကျွန်တော်တို့ ရှေ့ဆက်ပြီးတော့ ကဏ္ဍအစုံက အဖွဲ့အစည်းပေါင်းစုံ၊ CSO က စပြီးတော့  ပေါင်းစည်းပြီးတော့ ပညာပေးလုပ်ငန်းကို ကျယ်ကျယ်ပြန့်ပြန့်ဆောင်ရွက်သွားမှာပါ။ အပြောထက် လက်တွေ့ဟာတွေကို ပိုပြီးတော့ ဆောင်ရွက်ပေးနိုင်ဖို့ ကျွန်တော်တို့ဌာနက လမ်းညွှန်ချက်ရှိပါတယ်။ ဒေသ ရေမြေ ရာသီဥတုနဲ့ ကိုက်ညီတဲ့ သီးနှံတွေကို ရွေးချယ်ပြီးတော့ အဲဒါတွေကို ကျယ်ကျယ်ပြန့်ပြန့် လက်တွေ့ သရုပ်ပြခြင်းများ ဆောင်ရွက်ပြီးတော့ ပညာပေးဖို့ ညွန်ကြားချက်ရှိပါတယ်။ ။

Read More

“လှုံ့ဆော်တာနဲ့ကို အကြမ်းဖက်မှုတိုက်ဖျက်ရေးဥပဒေနဲ့ အရေးယူလို့ရတယ်”

ဆွေဝင်း/ Myanmar Now

ရန်ကုန် (Myanmar Now)—ဦးကိုနီကိုလုပ်ကြံမှုနဲ့ ပတ်သက်သူတွေကို ပြည်ထဲရေးဝန်ကြီးဌာနတာဝန်ရှိသူများက ရာဇသတ်ကြီး ပုဒ်မ ၃၀၂ တို့နဲ့ စွဲချက်တင်ဖို့ ပြင်ဆင်နေတယ် လို့ မကြာသေးမီပြုလုပ်ခဲ့တဲ့ သတင်းစာရှင်းလင်းပွဲမှာ ကြေညာခဲ့ပါတယ်။ အကြမ်းဖက်မှုတိုက်ဖျက်ရေးဥပဒေနဲ့ အရေးမယူတာကို မီဒီယာကမေးရာမှာ ဒီဥပဒေနဲ့ အရေးမယူဘူးဆိုတာ မနှစ်နှောင်ပိုင်းကဖြစ်သွားတဲ့ ရခိုင်ပြည်နယ်မောင်တော ရဲကင်းစခန်းများဝင်ရောက်တိုက်ခိုက်တဲ့ကိစ္စ၊ ရှမ်းပြည်မြောက်ပိုင်း တိုက်ပွဲကိစ္စတွေမှာတောင် အကြမ်းဖက်မှုဥပဒေကို မသုံးခဲ့ကြောင်း၊ ဒါ့ကြောင့် လူတစ်ဦးတည်းသာသေဆုံးတဲ့ ဦးကိုနီကိစ္စကိုလည်း အကြမ်းဖက်မှုပုံစံနဲ့ မကိုင်တွယ်ရခြင်းဖြစ်ကြောင်း ပြည်ထဲရေးဝန်ကြီး ဒုတိယဗိုလ်ချုပ်ကြီး ကျော်ဆွေက ပြောခဲ့ပါတယ်။ ဦးကိုနီလုပ်ကြံမှုဟာ အကြမ်းဖက်မှုတိုက်ဖျက်ရေးဥပဒေနဲ့ အကျုံးဝင်ပါသလား၊ အကြမ်းဖက်မှု တိုက်ဖျက်ရေးဥပဒေနဲ့ အရေးယူခဲ့မယ်ဆိုရင် ဘာတွေဖြစ်လာမလဲ၊ တရားရုံတင် စစ်ဆေးတဲ့အခါမှာရော အခုစွဲချက်တင်မယ့် ပုဒ်မတွေကို အပြောင်းအလဲဖြစ်သွားနိုင်မလားဆိုတာကို အသက် ၇၂ နှစ်အရွယ်ရှိ တရားလွှတ်တော်ရှေ့နေ ဦးကြီးမြင့်ကို Myanmar Now က သွားရောက်မေးမြန်းခဲ့ပါတယ်။ ဦးကြီးမြင့်ဟာ ၁၉၇၀ ခုနှစ်၊ ၁၉၇၄ ခုနှစ်၊ ၁၉၇၉ ခုနှစ်၊ ၁၉၈၂ ခုနှစ်၊ ၁၉၈၈ ခုနှစ်တို့မှာ နိုင် ငံရေးပုဒ်မတွေနဲ့ ဖမ်းဆီးခံရခဲ့တဲ့ နိုင်ငံရေးအကျဉ်းသားဟောင်းဖြစ်ပြီးတော့ ပြည်ထောင်စုရှေ့နေများနဲ့ ဥပဒေအထောက် အကူပြုအဖွဲ့မှာ ယာယီဥက္ကဌအဖြစ် ဆောင်ရွက်နေသူတဦးဖြစ်ပါတယ်။

မေး။ ။ ဦးကိုနီအမှုမှာ လူသတ်မှုပုဒ်မ ၃၀၂ လို ရာဇ၀တ်မှုနဲ့ အရေးယူတယ်။ ဒါဟာလုံလောက်တဲ့ စွဲချက်တွေလို့ ဆရာထင်လား။

ဖြေ။ ။ မမှန်ဘူး။ ဘာဖြစ်လို့လဲဆိုရင် ဒီ ၃၀၂ ဆိုတာက သာမန်လူသတ်မှုပဲလေ။ ဒီ အကြမ်းဖက်မှုတိုက်ဖျက်ရေးဥပဒေက ၂၀၁၄ ခုနှစ်ကျမှပေါ်တာ။ ဘာလို့ပေါ်ရလဲဆိုတော့ ရှိနေတဲ့ဥပဒေနဲ့ မလုံလောက် တော့ဘူး။ အကြမ်းဖက်တာကြီးက တအားကိုခေတ်မီလာပြီးတော့၊ အုပ်စုနဲ့ ဂိုဏ်းနဲ့ဖွဲ့လာပြီးတော့ အရမ်းကိုသူတို့ဘက်က ခေတ်မီမီလူသတ်မှုတွေ ဖြစ်လာတဲ့အခါကျတော့ ဒီဥပဒေမျိုးနဲ့ ပြန်လည်တုံ့ပြန်မှရမယ်ဆိုပြီး ဒီဥပဒေကို လွှတ်တော်မှာတင် အတည်ပြုလိုက်တာ။ ကမ္ဘာ့စံချိန်မီဥပဒေအနေနဲ့ ပြဋ္ဌာန်းလိုက်ရတာ။ ဦးကိုနီအမှုကိုကြည့်မယ်ဆိုလို့ရှိရင် ခဲလုံးတစ်လုံးတည်းနဲ့ ပစ်မှတ် ၄၊ ၅ ခုလောက်ကို မှန်အောင်ပစ်တာ။ ဗုဒ္ဓဘာသာဝင်တွေနဲ့ မူစလင်တွေစိတ်ဝမ်းကွဲပြား အောင်၊ အခြေခံဥပဒေပြင်ဆင်ရေးကို ရှေ့မတိုးရဲအောင်၊ မလုပ်ရဲအောင်ပေါ့။ နောက်တခါ စစ်အာဏာရှင်သက်ဆိုးရှည်ရေး အတွက် အားထုတ်နေတဲ့ ခရိုနီတွေရဲ့လှုပ်ရှားမှုတွေက ရှေ့ထွက်လာတာ။ အဲ့ဒီလိုဂိုဏ်းနဲ့၊ အုပ်စုနဲ့လုပ်တဲ့ဟာတွေမှန်သမျှ သည် အကြမ်းဖက်မှုတိုက်ဖျက်ရေးဥပဒေနဲ့ တည့်တည့်ပဲ။ ဒီဥပဒေနဲ့အရေးယူမှုတွေ လုပ်ရမယ်။ သာမန် ၃၀၂ လောက်နဲ့မ ဟုတ်တော့ဘူး။ သာမန် ရည်းစားနဲ့မကျေနပ်လို့ ကပ်ကြေးနဲ့ထိုးသတ်သလို ရိုးရိုးမဟုတ်ဘူး။ ဒီကိစ္စက နိုင်ငံတော်နဲ့ပတ် သက်နေတဲ့ အကြမ်းဖက်မှုဖြစ်တယ်။ လေဆိပ်မှာဖြစ်တဲ့ကိစ္စ။ လေဆိပ်ဝန်ဆောင်မှုဖြစ်နေစဉ်ဆိုတာ ဘာကိုအဓိပ္ပါယ်ခေါ် သလဲဆိုတာ ပါလာတယ်။ လေယာဉ်ပေါ်က ဆင်းလာပြီး ၂၄ နာရီကာလအတွင်းကို လေယာဉ်ဝန်ဆောင်မှုကာလလို့ခေါ် တယ်။ အဲ့ဒီကာလမှာဖြစ်တာတွေက သေဒဏ်ပဲ။ အထူးသဖြင့် လေဆိပ်မှာဖြစ်တာကိုလည်း အကျုံးဝင်စေတယ်။

မေး။ ။ အကြမ်းဖက်မှုဥပဒေမှာကော အတိအကျဘယ်လိုတွေ အဓိပ္ဗါယ်ဖွင့်ဆိုထားလဲ။

ဖြေ။ ။ ဥပဒေမှာ အဓိပ္ပါယ်ဖွင့်ထားတာက အကြမ်းဖက်မှုဆိုသည်မှာ အကြမ်းဖက်မှုတခု ခုကို တိုက်ရိုက်ဖြစ်စေ၊ သွယ်ဝိုက်၍ဖြစ်စေ ဥပဒေနှင့်မညီပဲ တနည်းနည်းဖြင့် ကျူးလွန်သူ၊ သို့မဟုတ် ကျူးလွန်ရန်အား ထုတ်သူကိုသော်လည်းကောင်း၊ အကြမ်းဖက်မှုတွင် ကြံရာပါအဖြစ်ပါဝင်သူ သို့မဟုတ် အကြမ်းဖက်မှုကျူးလွန်ရန် အခြား သူများအား ညွှန်ကြားသူ သို့မဟုတ် စည်းရုံးသိမ်းသွင်းသူကိုသော်လည်းကောင်း၊ အကြမ်းဖက်မှုကျူးလွန်နိုင်ရန် ရည်ရွယ် ချက်ဖြင့် ပါဝင်ထောက်ပံ့သူကိုသော်လည်းကောင်း ဆိုလိုတယ်။ အကြမ်းဖက်သမားဆိုသည်မှာ၊ အကြမ်းဖက်အုပ်စုဆိုသည် မှာ အကြမ်းဖက်မှုတခုခု ကျူးလွန်ရန် အချိန်ကာလတစ်ခုခုယူ၍ ဖွဲ့စည်းထားသည့် လူ ၂ ဦးနှင့် အထက်ပါသော အသင်းအ ဖွဲ့ကို ဆိုသည်။ ယင်းစကားရပ်တွင် ကုလသမဂ္ဂလုံခြုံရေးကောင်စီ၏ ဆုံးဖြတ်ချက်အရလည်းကောင်း၊ ဗဟိုအဖွဲ့က ပြည် ထောင်စုအစိုးရ၏ အတည်ပြုချက်ဖြင့်လည်းကောင်း ကြေညာထားသည့်အကြမ်းဖက်အုပ်စုသည် ပါဝင်သည်။ နောက်တခါ လှုံ့ဆော်မှုဆိုသည်မှာ အကြမ်းဖက်မှုတခုခုကို ကျူးလွန်ရန်အတွက် လှုံဆော်ရန် ရည်ရွယ်ချက်ဖြင့် သတင်းစကား သို့မ ဟုတ် သတင်းစကားအချက်အလက်ကို သိသိသာသာဖြစ်စေ၊ မသိမသာဖြစ်စေ၊ တိုက်ရိုက်ဖြစ်စေ၊ သွယ်ဝိုက်၍ဖြစ်စေ၊ ဖြန့် ဝေခြင်း၊ အားပေးအားမြှောက်ပြုခြင်း၊ သို့မဟုတ် အခြားတနည်းနည်းဖြင့် ကြားမြင်သိရှိခြင်းကို ဆိုသည်။

မေး။ ။ ရဲတပ်ဖွဲ့ရဲ့ နောက်ဆုံးထုတ်ပြန်ချက်အရဆိုရင် ပြည်ခိုင်ဖြိုးလွှတ်တော်အမတ် ယခင်ကာကွယ်ရေးဦးစီးချုပ်ရုံးမှာ တာဝန်ထမ်းဆောင်ခဲ့တဲ့ ဗိုလ်မှူးကြီးဟောင်း လင်းဇော်ထွန်းဟာ အောင်ဝင်းခိုင်၊ ဇေယျာဖြိုးတို့နဲ့ လက်ဖက်ရည်ဆိုင်ထိုင်ပြီး ဦးကိုနီကိစ္စမကျေမနပ်ပြောခဲ့တယ်။ ဒီလိုပြောပြီး အပြန်မှာ အောင်ဝင်းခိုင်နဲ့ ဇေယျာဖြိုးက ကားပေါ်မှာစကားပြောရင်း ဦးကိုနီကိုသတ်ဖို့ စတင်ဆွေးနွေးခဲ့တယ်။ ဒါပေမယ့် ရဲတပ်ဖွဲ့က အမှုဖြစ်ပြီး သူ့ကိုခေါ်ယူစစ်ဆေးတဲ့အခါမှာလည်း ဒီကိစ္စမှာသူမပါဘူးဆိုပြီး သတင်းထုတ်ပြန်ထားတယ်။ ဦးလင်းဇော်ထွန်းကိုယ်တိုင်လည်း သူဦးကိုနီကိစ္စ အောင်ဝင်းခိုင်တို့၊ ဇေယျာဖြိုးတို့နဲ့ စကားပြောဖူးတာသာရှိတယ်၊ သတ်မယ့်ကိစ္စသူမသိ၊ သူမပါဘူးဆိုပြီး သတင်းမီဒီယာတွေကို ပြောနေတယ်။ ဆိုတော့ ဦးလင်းဇော်ထွန်းရဲ့ အခြေအနေကို ဥပဒေကြောင်းအရဘယ်လိုမြင်လဲ။

ဖြေ။ ။ သူက လှုံ့ဆော်မှုထဲမှာပါတယ်။ သတင်းအချက်အလက်ကို သိသိသာသာဖြစ်စေ၊ မသိမသာဖြစ်စေ၊ တိုက်ရိုက် ဖြစ်စေ၊ သွယ်ဝိုက်ဖြစ်စေ ဒီလိုကျူးလွန်ဖို့ ဖြန့်ဝေခြင်း၊ အားပေးအားမြှောက်ပြုခြင်း၊ သို့မဟုတ် အခြားတနည်းနည်းဖြင့် ကြားမြင်သိရှိစေခြင်းဆိုတာပါ။

မေး။ ။ ဒါပေမယ့် တိုက်ဆိုင်တာရော မဖြစ်နိုင်ဘူးလား။ ဦးကိုနီကိစ္စ စကားပြောမိတယ်။ သူစကားပြောပြီးအပြန်မှ ဟိုနှစ်ယောက်က သူတို့ဘာသာသူတို့ ဦးကိုနီကိုသတ်ဖို့ကြံတယ်။ နောက်သူလုံးဝမသိ၊ မမျှော်လင့်ပဲနဲ့ အခုလုိုလုပ်ကြံမှုဖြစ်သွားတယ်။ ဒါမျိုး မဖြစ်နိုင်ဘူးလား။

ဖြေ။ ။ မဖြစ်နိုင်ဘူး၊ ဖြစ်နိုင်တယ်ဆိုတဲ့ဟာကို ဥပဒေက အဲ့ဒီလိုပြောလို့မရဘူး။ ဥပဒေမှာက ရှင်းရှင်းလေးပဲ။ အဲ့ဒီကိစ္စမဖြစ် ခင် ဒီစကားတွေပြောခဲ့တယ်။ ပြီးတော့အဲ့ဒီကိစ္စဖြစ်သွားတယ်။ ဒါပဲ။ အဲ့ဒီတော့ ဥပဒေက ဒီစကားရပ်တွေနဲ့ သိလို့ဖြစ်စေ၊ မသိလို့ဖြစ်စေ အားပေးအားမြှောက်ပြုရာရောက်တယ်။

မေး။ ။ ဒါဆိုရင် ဒီအကြမ်းဖက်ဥပဒေနဲ့အရေးမယူဘဲ ရာဇ၀တ်မှုနဲ့ပဲ အရေးယူတာဟာ အာဏာပိုင်တွေက တမင်သက်သက် နဲ့ ရည်ရွယ်ချက်ရှိရှိနဲ့ လုပ်တာလား။

ဖြေ။ ။ ဒီကိစ္စကြီးက ကျယ်ပြန့်သွားပြီးတော့ အများကြီး ဒီမှာပါလာနိုင်တယ်။ နောက်တစ်ခါ အကြမ်းဖက်မှု တိုက်ဖျက်ရေး ဥပဒေနဲ့သာစွဲမယ်ဆိုရင် ဘယ်သူမှ သေဒဏ်ကနေမလွတ်ဘူး။ အခုဒီမှာက ကြည်လင်းက သေဒဏ်ကျပြီး ကျန်တဲ့သူတွေက တစ်သက်တစ်ကျွန်းတို့၊ ၁၀ နှစ်တို့ ဘာတို့နဲ့ ကျသွားပြီး ပြီးသွားတာမျိုး ဖြစ်နိုင်တယ်။ အဲ့ဒီလမ်းကြောင်းကြီးကို ခင်းထားတယ်။

မေး။ ။ စွဲချက်တင်တာတော့ ရဲတပ်ဖွဲ့ကနေ စွဲချက်တင်တာပေါ့။ တရားရုံးမှာရော ပြောင်းလို့မရဘူးလား။ ဖြစ်ပေါ်လာတဲ့ ဖြစ်စဉ်ကိုကြည့်ပြီးတော့ ဒီပုဒ်မတွေ ပြောင်းလိုက်တာမျိုးပေါ့။

ဖြေ။ ။ ဒါက ဥပဒေ၀န်ထမ်းမှာ တာဝန်ရှိတယ်။ နိုင်ငံတော်ကို ကိုယ်စားပြုမယ့် ဥပဒေ၀န်ထမ်းက သတ္တိရှိမယ်၊ ဥပဒေကို ကျွမ်းကျင်မယ်၊ တိုင်းပြည်အပေါ်မှာ စေတနာထားမယ်ဆိုရင် ရဲတပ်ဖွဲ့ကဘယ်လိုပဲတင်တင်၊ ဥပဒေ၀န်ထမ်းက ဒီကိစ္စဟာ ဒီဥပဒေနဲ့မဟုတ်ဘူး၊ အကြမ်းဖက်မှုတိုက်ဖျက်ရေးဥပဒေနဲ့ အရေးယူရမယ့်ကိစ္စ၊ ပြန်စစ်ပြီး သူက အမှုကိုတည်ဆောက်လို့ ရတယ်။ ဥပဒေ၀န်ထမ်းက ဒီနေရာမှာ အချက်ပဲ။

မေး။ ။ အခုရော အဲ့ဒီလိုတည်ဆောက်မယ်လို့ရော ယုံကြည်လား။ မြန်မာနိုင်ငံရဲ့ နိုင်ငံရေးအခြေအနေ ဆရာလဲသိတာပဲ။ တရားရေးအဖွဲ့နဲ့ အားပြိုင်လို့ရှိရင်ပေါ့။

ဖြေ။ ။ ဒီဟာမှာ ရှေ့နေချုပ်ကို (အစိုးရက) ခန့်ထားတာပဲ။ ကိုယ်ခန့်ထားတဲ့သူက ဥပဒေကိုမစောင့်ရှောက်ဘူးဆိုလို့ရှိရင် လက်ရှိအစိုးရကိုပဲ အပြစ်တင်ရတော့မှာပဲ။ ရှေ့နေချုပ်တို့၊ ရန်ကုန်တိုင်းဥပဒေချုပ်တို့က ကိုယ်ခန့်ထားတဲ့သူတွေ။ ရဲတပ်ဖွဲ့က ဘာပဲတင် တင် သူတို့က ထိန်းကျောင်းပေးပြီး လုပ်လို့ရတဲ့သူတွေ။ သူတို့ပျော့လို့၊ ညံ့လို့၊ ကြောက်လို့မလုပ်တာကတော့ သူတို့တာဝန် ပဲလေ။ ဒီအစိုးရတာဝန်ပဲ။

မေး။ ။ အမျိုးဘာသာ သာသနာထိန်းသိမ်းစောင့်ရှောက်ရေးအဖွဲ့က ဦးဆောင်တရာတော်တစ်ပါးဖြစ်တဲ့ ဦးဝီရသူဟာ သူ့ရဲ့ လူမှုကွန်ရက်စာမျက်နှာမှာရေးထားတာက ဦးကိုနီကိုသတ်တဲ့သူတွေကို ကျေးဇူးတင်တယ်၊ ဖွဲ့စည်းပုံအခြေခံဥပဒေကို ထိပါးချင်သူတွေကို သတိပေးတယ်ဆိုတဲ့အပေါ် ဆရာ့အနေနဲ့ဘယ်လိုယူဆလဲ။ ပြည်ထဲရေးဝန်ကြီး ဒုတိယဗိုလ်ချုပ်ကြီးကျော်ဆွေက မကြာသေးခင်က သတင်းစာရှင်းလင်းပွဲအစမှာ အမုန်းစကားတွေ ရပ်သင့်ကြပြီလို့ပြောခဲ့တယ်၊ ဒါပေမယ့် အခုချိန်ထိ ဒါ မျိုးကို အရေးယူတာမျိုးတွေ တခါမှမရှိသေးဘူး။

ဖြေ။ ။ သူက နောက်ထပ်အလားတူအမှုမျိုး ထပ်ကျူးလွန်အောင် လှုံ့ဆော်လိုက်တာလေ။ လူသတ်မှုကဖြစ်ပြီးသွားလို့ အရေးယူလို့မရတော့ဘူးဆိုတာမှမဟုတ်တာ။ လှုံ့ဆော်တာနဲ့ကို အကြမ်းဖက်မှုတိုက်ဖျက်ရေးဥပဒေနဲ့ အရေးယူလို့ရတယ်။ ဒါပေမယ့် သူ့ကိုအရေးယူ မှုမရှိတာနဲ့ ပတ်သက်ရင်တော့ ကိုယ်လည်း ဗုဒ္ဓဘာသာဝင်တစ်ဦးဆိုတော့ ဘုန်းကြီးတစ်ပါးကို အရေးယူဖို့ ပြောဖို့ရာမှာတော့ ကွာ။ ဒါက နိုင်ငံတော်ရဲ့တာဝန်ပဲ။

Read More

ချင်းတောင်အလှ၊ ချင်းတောင်ဘဝ

  တောင်ထူထပ်သောကားလမ်းတွင် နာရီအတန်ကြာ မောင်းနှင်ရပြီး ချင်းဒေသသို့ ရောက်ရှိလျှင်လည်း မြေပြန့်သည့်နေရာကို တွေ့ရန် ခဲယဉ်းသည် (ဓာတ်ပုံများ - ဖြိုးသီဟချို/Myanmar Now)

ဖြိုးသီဟချို/Myanmar Now

တောင်ထူထပ်သည့်မြေမျက်နှာသွင်ပြင်နှင့် ကြမ်းတမ်းသည့် ရာသီဥတုအခြေအနေ ပိုင်ဆိုင်ထားသည့် ချင်းတောင်တန်းသို့ မကြာသေးမီက သွားရောက်ခဲ့သည့် သတင်းထောက်က တွေ့မြင်ရသည့် မြင်ကွင်းတချို့ကို မှတ်တမ်းတင် ရိုက်ကူးခဲ့သည်။

 

 ဟားခါးမြို့၊ သီဖူးလ်ကျေးရွာရှိ အမြဲတမ်းစိုက်ပျိုးနိုင်သည့် လှေကားထစ်တောင်ယာ မုံညင်းစိုက်ခင်းဖြစ်သည်။ ကျေးရွာရှိ လှေကားထစ်တောင်ယာ ဧက၂၀ တွင်  ဆောင်းသီနှံအဖြစ် မုံညင်း၊ ဂေါ်ဖီ၊ ကြက်သွန်ဖြူ၊ ကြက်သွန်နီတို့ကို အဓိကထားစိုက်ပျိုးကြသည်။

 အမြဲတမ်းစိုက်ပျိုးမြေပေါ်တွင် တောင်ယာ လုပ်ကိုင်နေသူများ။ တောင်ယာထွက်ကုန်တို့မှာ ကျယ်ကျယ်ပြန့်ပြန် ရောင်းချရန် ဈေးကွက် အခဲအခဲ ရှိနေသောကြောင့်  ဝမ်းစာအတွက်သာ စိုက်ပျိုးကြသည်ကို တွေ့ရသည်။

 

  သီဖူးလ်ကျေးရွာမှ တစ်နာရီကြာ ခြေလျင်သွားရသည့် ခရီးနှင်ပြီး လှေကားထစ်တောင်ယာစိုက်ခင်းသို့ ရောက်ရှိလာသော အမျိုးသမီးများ။

 

  ကြက်သွန်စိုက်ခင်းတွင် ရေပက်ဖြန်းနေသည့် ချင်းအမျိုးသမီးငယ်နှစ်ဦး။ တောင်ကျချောင်းမှ စီးဆင်းလာသောရေကို မြောင်းဖောက်သွယ်တန်း၍ ကြက်သွန်စိုက်ခင်းအတွင်း စီးဝင်စေသည့်နည်းသည် စိုက်ပျိုးရေအထိရောက်ဆုံး ရရှိနိုင်သည့် နည်းလမ်းဖြစ်သည်ဟု ဆိုသည်။

   သီဖူးလ်ကျေးရွာ ဒေသခံတို့၏ ဆုတောင်းပွဲတွင်   ချင်းရိုးရာ သီချင်းများ သီဆို ကခုန်နေကြသည်။ သက်ကြီးအမျိုးသားတစ်ဦးက ချင်းဘာသာဖြင့် ရေးစပ်ထားသည့် သီချင်းကို ဦးဆောင် သီဆိုကခုန်ပြီး သီချင်းဆိုရာတွင်ပါဝင်နေသူများကို ဆုတောင်းပေးနေသည်။

 

  တောင်ထူထပ်သော ချင်းဒေသတွင် နေအိမ်များကို တောင်စောင်းပေါ်တွင်ပင် တည်ဆောက်ထားကြသည်။

 

  ဟားခါးမြို့ရှိ မြန်မာဘာသာဖြင့် ဝတ်ပြုကြသည့် ဘုရားကျောင်း၏ မြင်ကွင်းတစ်ခု။

 ဟားခါးမြို့ရှိ ရှေးခေတ် အုပ်ချုပ်သူတစ်ဦး၏ နေအိမ်ကို ပြတိုက်အဖြစ် ပြုလုပ်ထားသည်။ သို့သော်လည်း ဧည့်သည် လာရောက် လေ့လာမှု နည်းပါးသည်ဟု သိရသည်။

 

သီဖူးလ်ရွာအတွင်းရှိ နေအိမ်တစ်ခုတွင် တောကောင်သားရေကျပ်ပြီး နေလှန်းထားသည်။

 

- သီဖူးလ်ရွာတွင် မြစိမ်းရောင် စီမံကိန်း ရှိနေကြောင်း အမှတ်အသား ပြုထားသည့် ဆိုင်းဘုတ်တစ်ခုအနီး စောင်များ လှန်းထားသည်။ ချင်းဒေသသည် ရာသီဥတု ကြမ်းတမ်းသည့် ဒေသတစ်ခု ဖြစ်သည်။

Read More

ရင်းနှီးမြှုပ်နှံမှုနဲ့ အစိုးရအကူအညီကို ငံ့လင့်နေတဲ့ ချင်းပြည်နယ် စိုက်ပျိုးရေးလုပ်ငန်း

  

 အိချယ်ရီအောင်/Myanmar Now

ဟားခါး၊ ဖလမ်း (Myanmar Now) - နည်းပညာအကူအညီများ ပိုမို ရရှိလာသည့် ချင်းပြည်နယ်တွင် တစ်ပိုင်တစ်နိုင် စိုက်ပျိုးရေးလုပ်ငန်း အောင်မြင်လာသော်လည်း   ဈေးကွက် အခက်အခဲကြောင့် အင်တိုက်အားတိုက် ဆက်လက် ထုတ်လုပ်နိုင်ခြင်း မရှိကြောင်း ဒေသခံတောင်သူများက ပြောသည်။

 

တောင်ယာလုပ်ငန်းခွင်တစ်ခု (ဓာတ်ပုံများ - ဖြိုးသီဟချို / Myanmar Now)

ဖလမ်းမြို့နယ် ကျေးလက်ဒေသတစ်ခုမှ မရှန်းကျဲရ်သည် မိဘများ၏ လက်ငုပ်လက်ရင်း တောင်ယာအလုပ် လုပ်ကိုင်လာသည်မှာ ၁ဝ နှစ် ရှိပြီ ဖြစ်သည်။

“တောင်ယာအလုပ်ကို တဖြည်းဖြည်း စိတ်ကုန်လာပြီ။  အထွက်နှုန်းတွေ တိုးလာတော့လည်း ရောင်းချရမယ့် ဈေးကွက်က မရှိဘူး” ဟု ထလန်ရောင်ကျေးရွာမှ ၃၈ နှစ်အရွယ် မရှန်းကျဲရ်က ပြောသည်။

သူနှင့် တစ်ရွာတည်းနေ  ၂၈ နှစ်အရွယ် မငွန်ကျင်ဆုန်ကလည်း အလားတူ ရှင်းပြသည်။

“ထွက်ကုန်တွေကို ရောင်းချလို့ရတဲ့ နေရာ မရှိရင် ကျွန်မတို့ထုတ်ကုန်တွေက ဘယ်လောက် ကောင်းကောင်း၊ ဘယ်လောက်ပဲ အထွက်နှုန်းတွေတိုးတိုး အလကားပါပဲ။ ဈေးကွက်မရှိတော့ စိုက်ထားတဲ့ သီးနှံတွေ ဘယ်အချိန်ပုပ်မလဲ ဆိုတာကို ထိုင်ကြည့်နေရသလို ဖြစ်နေတယ်” ဟု မငွန်ကျင်ဆုန်က ဆိုသည်။

၎င်းတို့နှစ်ဦးသည် တောင်ယာ ၁ ဧက ခန့်စီ လုပ်ကိုင်နေကြသူများဖြစ်သည်။  မြေပြန့်ဒေသ တောင်သူ လယ်သမားတို့  လယ်ဧက ပိုင်ဆိုင်မှု များပြားသော်လည်း   ဤဒေသတွင်မူ  လယ်ပိုင်ဆိုင်မှု နည်းပါးကြသည်။

ဝေးလံခေါင်ဖျား၊ အထီးကျန်သော တောင်ပေါ်ဒေသ ချင်းပြည်နယ်သည် နိုင်ငံ၏ ဒုတိယ ဖွံ့ဖြိုးမှု အနည်းဆုံးဒေသဖြစ်ပြီး အဓိကအားဖြင့် တောင်ယာစိုက်ပျိုးရေးလုပ်ကိုင်ကာ စပါး၊ မုန်ညှင်း၊ လက်ဖက်၊ ပဲတောင့်ရှည်၊ ဝဥ၊ ကြက်သွန်ဖြူ၊ ကြက်သွန်နီ၊ ဂေါ်ဖီထုတ်၊ ပန်းဂေါ်ဖီ၊ ထောပတ်၊ စပျစ် စသည့် သီးနှံများ စိုက်ပျိုးကြသည်။

ပြည်နယ်မြောက်ပိုင်း   စိုက်ပျိုးရေးအဓိက  ကျေးရွာများသို့ အစိုးရ၊ နိုင်ငံတကာ အရပ်ဘက် အဖွဲ့ အစည်းများ၊ ဒေသခံအဖွဲ့အစည်းများက     စိုက်ပျိုးရေး  ဆိုင်ရာ နည်းပညာ သင်တန်းများကို ယခင်ထက် ပိုမို စီစဉ်ပေးလာကြသည်။ 

ရလဒ်အားဖြင့် ယခင်က တစ်ဧက စပါး ၂၅ တင်းကျော်သာ ထွက်ခဲ့ရာမှ  ယခု တင်း ၆ဝ ကျော် ထွက်နေပြီဟု ဒေသခံတို့က ပြောသည်။

နည်းပညာနှင့် သင်တန်း

ပြည်နယ်မြောက်ပိုင်း မြို့နယ် ၅ ခုမှ ကျေးရွာ ၃၈ ခုတွင် စိုက်ပျိုးရေးနှင့် ဖွံ့ဖြိုးရေးဆိုင်ရာ အကူအညီ ပေးနေသည့် အဖွဲ့တစ်ခုမှာ  ထိုဒေသ အခြေစိုက် Chokhlei Organization for Rural and Agricultural Development (CORAD) အဖွဲ့ ဖြစ်သည်။ 

 ဖေဖော်ဝါရီ ၁၃  ရက်နေ့က ဟားခါးမြို့၊ သီဖူးလ်ကျေးရွာအနီး အမြဲတမ်းစိုက်ပျိုးနိုင်သည့် လှေကားထစ်တောင်ယာ လုပ်ငန်းခွင်မှ မုန်ညှင်းရွက်ခူးပြီး အိမ်ပြန်နေသော တောင်သူတစ်ဦး

သစ်တောပြုန်းတီးစေသည့် ရွှေ့ပြောင်းတောင်ယာစနစ် လျော့နည်းလာစေရန်အတွက်   လှေကားထစ် စိုက်ခင်းများ တူးဖော်ခြင်း၊ ရေလှောင်ကန်များ ဆောက်ခြင်း၊ ကန်နှင့် ဝေးသော စိုက်ခင်းများသို့ ရေပိုက်သွယ်တန်းခြင်းတို့ကို ပြုလုပ်ပေးနေကြောင်း ယင်းအဖွဲ့မှ မန်နေဂျာတစ်ဦးဖြစ်သည့် ကိုကီလ်သူက ပြောသည်။

 “တောင်ကုန်းတောင်တန်းတွေများတော့ မြေပြန့်ထက်စာရင် နည်းပညာပိုလိုအပ်တယ်။  မြေပြိုတာကလည်း မကြာခဏဖြစ်တယ်ဆိုတော့  ကျွန်တော်တို့ဖော်ထားပေးတဲ့ လှေကားထစ်စိုက်ခင်းတွေတောင် မြေပြိုတဲ့အထဲ ပါသွားတယ်။ ဒီဘက်က စိုက်ပျိုးရေးလုပ်ကိုင် သူတွေက စိတ်လည်းရှည်၊ ဇွဲလည်းရှိရတယ်” ဟု ကိုကီလ်သူက ဆိုသည်။

 ဖေဖော်ဝါရီ ၁၃  ရက်နေ့က ဟားခါးမြို့၊ သီဖူးလ်ကျေးရွာအနီး တွေ့ရသော တောင်သူတစ်ဦး

ဒေသခံတို့ကို ၂ဝဝ၄ မှစပြီး အသေးစိတ် သင်ကြားပေးနေကြောင်း ၎င်းက ဆက်ပြောသည်။ ပေးအပ်သည့် နည်းပညာနှင့် သင်တန်းများတွင် မြေယာနှင့်ရေ စီမံခန့်ခွဲထိန်းသိမ်းရေး၊ သီးနှံသစ်တော ရောနှော စိုက်ပျိုးရေး၊ သဘာဝစိုက်ပျိုးရေး၊  အစားအစာ ပြင်ဆင်ထုပ်ပိုးနည်း၊ လူထုဖွံ့ဖြိုးရေး လုပ်ငန်း ကိုင်တွယ် ဖြေရှင်းနည်း၊ စနစ်တကျအတန်းလိုက် စိုက်ပျိုးနည်း၊ သဘာဝ ဓာတ်မြေသြဇာပြုလုပ်နည်း စသည်တို့ ပါဝင်သည်။

သင်တန်းတက်ရောက်သူများထဲတွင် ဖလမ်းမှ  မငွန်ကျင်ဆုန်လည်း ပါဝင်သည်။

“အရင်တုန်းကဆို မြက်တွေကို တောင်ယာတွေဘေးမှာပဲ စွန့်ပစ်တာများတယ်။ အခုသင်တန်းတက်ပြီး နောက်ပိုင်းကျတော့ မလွှင့်ပစ်တော့ဘဲ မြက်ခြောက်တွေနဲ့ သဘာဝအတိုင်း မြေဆွေးလုပ်လို့ရတယ် ဆိုတာ သိလာတယ်” ဟု  မငွန်ကျင်ဆုန်က ပြောသည်။

“အခုတော့ ကိုယ့်စိုက်ခင်းအထိ ရေသွယ်ပုံ၊ ရေသွယ်နည်းတွေ ရေပန်းပြုလုပ်ပုံတွေ သိလာတယ်။ အဲ့လိုတွေသိလာတော့ အရင်ကလို ရေပုံးအလေးကြီးတွေလည်း သယ်စရာမလိုတော့ဘူး။ အချိန်မကုန်တော့သလို လူလည်း မပင်ပန်းတော့ဘူး”

ကုန်ချောဈေးကွက်အတွက် ရင်းနှီးမြှုပ်နှံမှု

ပြည်နယ်မြောက်ပိုင်း စိုက်ပျိုးရေးသမားတို့သည် စစ်ကိုင်းတိုင်းဒေသကြီး၊ ကလေးမြို့ ပွဲရုံများကိုသာ အားကိုးနေရသည်။ 

ဒေသထွက် စပါးနှင့် အခြားသီးနှံများကို ပြည်နယ်အစိုးရက ဈေးကောင်းပေးဝယ်လျှင် စိုက်ပျိုးရေးလုပ်ငန်းကို ပိုမို တိုးချဲ့နိုင်မည်ဖြစ်ကြောင်း ဒေသခံများက ပြောသည်။

ချင်းပြည်နယ် စိုက်ပျိုးရေးဦးစီးဌာန ဒုတိယဦးစီးမှူး ဆလိုင်းဒမ်နီရယ်ထွန်းတင်က နိုင်ငံတကာ NGO အဖွဲ့အစည်းများ၏   အထောက်အပံ့များ၊ နည်းပညာများ၊ သင်တန်းများ၊ စီမံကိန်းများသည် နှစ်ကာလ အကန့်အသတ် ရှိခြင်းကြောင့် ဒေသအတွက် ရေရှည် အကျိုးဖြစ်ထွန်းမှု နည်းသည်ဟု ဆိုသည်။

“အခုနောက်ပိုင်း စိုက်ပျိုးရေးနဲ့ပတ်သက်ပြီး NGO တော်တော်များများ ကူညီပေးနေလာတာကို တွေ့ရတယ်။ သူတို့ကလည်း ၃ နှစ် သို့မဟုတ် ၅ နှစ်ဆိုပြီး နှစ်ကာလအပိုင်းအခြားတစ်ခုအထိပဲ ကူညီနိုင်တာပါ။ NGO ပြန်သွားရင် ဒီကအလုပ်တွေ ရပ်သွားရော။ ကာလတို လုပ်တာထက် လုပ်ငန်းရှင် တစ်ဦးဦးက လာရောက် ရင်းနှီးမြှုပ်နှံတာ အကောင်းဆုံးပါပဲ” ဟု စိုက်ပျိုးရေးဦးစီးဌာန ဒုတိယဦးစီးမှူးက သုံးသပ်သည်။

ဤဒေသသည် အခြားပြည်နယ်များကဲ့သို့ ပိုးသတ်ဆေး သုံးစွဲခြင်း၊ ဓာတ်မြေသြဇာသုံးစွဲခြင်း မရှိသော်လည်း ပြည်ပသို့ သီးနှံ စီးပွားဖြစ် တင်ပို့ ရောင်းချနိုင်ရန် လမ်းစ မပေါ်သေးကြောင်း သူက ဆက်ပြောသည်။

“ဒီဒေသကထုတ်ကုန်တွေကို စီးပွားဖြစ်ထုတ်ရလောက်အောင် ပံ့ပိုးပေးမယ့်သူကလည်း မရှိဘူး။ ဒေသခံတွေက စိုက်လည်း စိုက်နိုင်တယ်၊ လုပ်လည်း လုပ်နိုင်တယ်၊   တစ်နိုင်တစ်ပိုင်ပဲ ဖြစ်နေတယ်။ ဝယ်မယ့်သူမရှိတော့ ဈေးကွက်ကလည်း မရှိဘူး” ဟု ဒုတိယဦးစီးမှူးက ရှင်းပြသည်။

“လုပ်ငန်းရှင်က ဒီဒေသမှာ စက်ရုံလာဆောက်ပြီးတော့ သီးနှံတွေကို စိုက်ပျိုးတဲ့အချိန်က စပြီး ကုန်ချော ထုတ်နိုင်တဲ့အထိဖြစ်အောင် လာလုပ်သင့်ပါတယ်” 

ပြည်ပပို့ကုန်ဖြစ်ရန်အတွက်လည်း အရည်အသွေးကို အထူး အလေးထားသင့်ကြောင်း သူက ပြောသည်။

“အရည်အသွေးကောင်းလည်း တစ်ကျပ်ပဲ၊ အရည်အသွေးမကောင်းလည်း တစ်ကျပ်ပဲဆိုတာ ကြာတော့ စိုက်ပျိုးသူတွေက အရည်အသွေးကောင်း မလုပ်တော့ဘူးပေါ့။ အရည်အသွေး မကောင်းရင် ၁ ကျပ်၊ အရည်အသွေးကောင်းရင် ၁ဝ ဆိုပြီး အဲ့ဒီလို  ထိန်းပြီး ဝယ်ပေးမယ့်သူ ရှိရင်လည်း အရည်အသွေးပိုင်း ဖွံ့ဖြိုး တိုးတက်လာမှာပါ” ဟု ဒုတိယဦးစီးမှူးက ဆိုသည်။

အမြဲတမ်းစိုက်ကွက်စနစ်နှင့် မျိုးစေ့

ပြည်နယ်မြောက်ပိုင်းသည် ရေရှားခြင်းကြောင့်  ဒေသရာသီ ဥတုနှင့်ကိုက်ညီသည့်၊ ရေငတ်ခံနိုင်သည့် အပင်မျိုးစေ့များ ထောက်ပံ့ပေးရန် လိုအပ်နေကြောင်း ပြီးခဲ့သည့် ရက်ပိုင်းအတွင်း Myanmar Now က တွေ့ဆုံခဲ့သည့် ဖလမ်း၊ ဟားခါးမြို့တို့မှ ဒေသခံတို့က ပြောသည်။

ဟားခါးခရိုင် စိုက်ပျိုးရေး ဦးစီးမှူး ဦးဟုန်းကီးကလည်း ဒေသရေမြေ၊ ရာသီဥတုနှင့် ကိုက်ညီသည့် သီးနှံများ စိုက်ပျိုးရန် မျိုးစေ့ကို ဒေသခံများထံ လုံလုံလောက်လောက် မပေးနိုင်ခြင်းမှာ ဌာန၏ အဓိက လိုအပ်ချက် ဖြစ်နေသည်ဟု ဆိုသည်။

၂ဝ၁၆-၂ဝ၁၇ ဘဏ္ဍာနှစ်မှ စတင်၍ ဟားခါးမြို့နယ်တွင်  ၅ ဧက မျိုးစေ့ စိုက်ခင်းများ ပြုလုပ်လျက်ရှိကြောင်း၊  နှစ်ရှည်ပင်အတွက်လည်း မျိုးစေ့ ထောက်ပံ့ကြောင်း ဦးဟုန်းကီးက ရှင်းပြသည်။

ယခုနှစ်မှစတင်၍ ရွှေ့ပြောင်းတောင်ယာစနစ် လျော့နည်းသွားရန်   အမြဲတမ်းစိုက်ကွက် ဖြစ်မြောက်ရေးကို ဦးစားပေး ဆောင်ရွက်သွားမည်ဟု ဆိုသည်။

“ချင်းပြည်နယ်မှာ စိုက်ပျိုးရေးလုပ်ကိုင်သူ ၇၅ ရာခိုင်နှုန်းက ရွှေ့ပြောင်းတောင်ယာစနစ်နဲ့ စိုက်ပျိုးထားကြတော့ တောင်ယာခုတ်ထွင်မှုက နှစ်စဉ် သိန်းချီရှိပါတယ်။ ဒီလိုသာဆက်သွားနေရင် တောင်ပြုန်းပြီးတော့ မြေပြိုမှုတွေ ပိုဖြစ်လာမှာပါ။ ဒါကြောင့် ရွှေ့ပြောင်းတောင်ယာစနစ် လျော့နည်းပြီးတော့ အမြဲစိုက်ကွက် ဖြစ်မြောက်ရေးကို လုပ်ဆောင်သွားမှာဖြစ်ပါတယ်” ဟု ခရိုင်ဦးစီးမှူးက ပြောသည်။

ပြည်နယ်အတွင်း အမြဲတမ်းစိုက်ကွက် ပေါ်ပေါက်ရေးအတွက် ယခုနှစ်မှစတင်၍ ဧက ၅၅ ဧကပေါ်တွင် အကောင်အထည်ဖော်နိုင်ရန် နေရာသတ်မှတ်ခြင်း၊ စီမံချက်ရေးဆွဲခြင်း လုပ်ငန်းများ အစပြုနေပြီဖြစ်ကြောင်း ၎င်းက ဆက်ပြောသည်။

 ဖေဖော်ဝါရီ ၁၃  ရက်နေ့က ဟားခါးမြို့၊ သီဖူးလ်ကျေးရွာအနီး လှေကားထစ်တောင်ယာရှိ ကြက်သွန်နီ၊ ပန်းဂေါ်ဖီ စိုက်ခင်းတွင် ရေလောင်းနေသော ဒေသခံတစ်ဦး

ချင်းပြည်နယ်တွင် မွေးမြူကြသော နွားနောက်၊ နွား၊ ကျွဲတို့ကို  လွှတ်ကျောင်းစနစ်ဖြင့် ထိန်းကျောင်းခြင်းကြောင့် စိုက်ခင်းများ  နေ့စဉ်ပျက်စီး ဆုံးရှုံးနေရကြောင်း ဟားခါး၊ ဖလမ်းမြို့တို့မှ ဒေသခံ အများအပြားက ပြောကြသည်။

အစိုးရက  လွှတ်ကျောင်းစနစ်ကို ဆက်လက်ခွင့်ပြုမည်ဆိုပါက တိရစ္ဆာန်တို့၏ ဖျက်ဆီးမှုဒဏ်ကို ကာကွယ်နိုင်ရန်အတွက် စိုက်ခင်းများကို သံဆူးကြိုးကာခြင်း ကဲ့သို့သော အကာအကွယ် အစီအမံများ ပြုလုပ်ပေးသင့်ကြောင်း ၎င်းတို့က ပြောသည်။

CORAD အဖွဲ့မှ မန်နေဂျာ  ကိုကီလ်သူကလည်း အစိုးရအနေဖြင့်  တိရစ္ဆာန်များ လွှတ်ကျောင်းသည့် စနစ် ပိုမိုကောင်းမွန်စေရန် စီစဉ်ပေးသင့်သည်ဟု ယူဆသည်။

“တစ်နှစ်ပတ်လုံး ပင်ပင်ပန်းပန်း စိုက်ခဲ့ပြီး အသီးအပွင့်တွေ ရခါနီးကျမှ တိရစ္ဆာန်တွေ ဖျက်ဆီးလိုက်တော့ စိုက်ပျိုးရေးလုပ်ငန်းက ရှေ့မသွားဘဲ နောက်ဆုတ်ဆုတ်နေတဲ့ သဘောကို တွေ့ရတယ်။ စိုက်ခင်းတွေကို တိရစ္ဆာန်တွေ မဝင်နိုင်အောင် သံဆူးကြိုး ကာမယ် ဆိုရင်လည်း တိုင်တွေလိုတော့ သစ်ပင်တွေခုတ်မယ် ဆိုရင်လည်း တောကပြုန်းဦးမယ်"

စိုက်ပျိုးရေး ဖွံ့ဖြိုးစေရေးအတွက်  အာဏာပိုင်တို့ ဆောင်ရွက်သည့်အခါ တောင်ထူထပ်လွန်းသော ဤဒေသ၏ အခြေအနေများကို မဖြစ်မနေ ထည့်သွင်း စဉ်းစားရမည်ဟု  ကိုကီလ်သူက ဆိုသည်။

 “မြေပြန့်ဒေသမှာ ၃ နှစ်စိုက်လို့ဖြစ်တဲ့အပင်က တောင်ပေါ်ဒေသမှာဆို ၅ နှစ်နဲ့ဖြစ်ထွန်းချင်မှ ဖြစ်ထွန်းမယ်။ အဲ့ဒါကို   ထည့်တွက်ဖို့လိုတယ်။   ဒါကြောင့် မျိုးစေ့အသစ် တစ်ခု ချပေးမယ် ဆိုရင် အဲ့ဒီမျိုးစေ့က ဒီဒေသမှာ စမ်းသပ်ပြီးသားမျိုးစေ့ပဲ ဖြစ်စေချင်ပါတယ်” ဟု ကိုကီလ်သူက ပြောလိုက်သည်။     ။

Read More

အခြေခံဥပဒေပြင်လိုသူတွေကို မဘသ သတိပေး

  

လူစည်ကားတဲ့ ရန်ကုန်လေဆိပ်မှာ ရှေ့နေဦးကိုနီ လုပ်ကြံသတ်ဖြတ်ခံရမှုနဲ့ ပတ်သက်ပြီး ပူးပေါင်းကြံစည်သူတွေအကြောင်း သတင်းစာရှင်းလင်းပွဲမှာ ပြသထားတဲ့ မှတ်တမ်းတွေကို လေ့လာနေသူတစ်ဦး (ဓာတ်ပုံ - ထက်ခေါင်လင်း/Myanmar Now)

ထက်ခေါင်လင်း/Myanmar Now

ရန်ကုန် (Myanmar Now) – ၂ဝဝ၈ ဖွဲ့စည်းပုံအခြေခံဥပဒေ ပြုပြင်လိုသူတွေကို သတိထားကြပါလို့ အမျိုးဘာသာ သာသနာ စောင့်ရှောက်ရေးအဖွဲ့ (မဘသ) ရဲ့ အထင်ကရ ခေါင်းဆောင်တွေက ရှေ့နေဦးကိုနီ လုပ်ကြံခံရမှုနဲ့ ဆက်စပ်ပြီး  တနင်္လာနေ့မှာ ပြောလိုက်ပါတယ်၊

လုပ်ကြံခံရသူ ထင်ရှားတဲ့ အစ္စလမ်ဘာသာဝင် ရှေ့နေ ဦးကိုနီဟာ  ၂ဝဝ၈ ဖွဲ့စည်းပုံအခြေခံဥပဒေကို ဆန့်ကျင်သူ  တစ်ယောက် ဖြစ်ပြီး ဒီအခြေခံဥပဒေအရ လွှတ်တော်အသီးသီးရဲ့ နေရာ၂၅ ရာခိုင်နှုန်းကို တပ်မတော်သားအမတ်တွေက ရွေးကောက်ပွဲ ဝင်စရာ မလိုဘဲ ရနေတာပါ။

မဘသ ခေါင်းဆောင် ဆရာတော် တစ်ပါး ဖြစ်တဲ့ ဦးဝီရသူက တခြားနိုင်ငံတွေရဲ့ လွှတ်တော်တွေမှာ တပ်မတော်သား ကိုယ်စားလှယ်တွေ   မလိုအပ်ပေမယ့် မြန်မာနိုင်ငံမှာတော့ လိုအပ်တယ်၊  အခြေခံဥပဒေဟာ တစ်မျိုးသားလုံးရဲ့ လုံခြုံရေးအတွက် အရေးကြီးတာကြောင့် လွှတ်တော်အတွင်းက တပ်မတော်သားကိုယ်စားလှယ် မရှိစေချင်သူ၊ အခြေခံဥပဒေကို ပယ်ဖျက်ချင်သူတွေ  သတိထားကြပါလို့ သူက   ရေးသားလိုက်ပါတယ်။

ဒါ့အပြင် ဦးဝီရသူက အမျိုးသားဒီမို ကရေစီအဖွဲ့ချုပ် ဥပဒေအကြံပေး ဦးကိုနီကို လုပ်ကြံမှုမှာ ပါဝင်ကြသူတွေကို ကျေးဇူးစကား ဆိုပါတယ်၊ 

"ဒီပွဲမှာတော့ အနာဂတ် မြန်မာ့သာသနာအတွက် စိုးရိမ်မှုတွေ ကင်းပျောက်သွားလို့  စိတ်သက်သာရာတော့ ရလိုက်တယ်၊  ကြည်လင်းကို ကျေးဇူးတင်တယ်၊ အောင်ဝင်းဇော်ကို ကျေးဇူးတင်တယ်၊ အောင်ဝင်းခိုင်ကို ကျေးဇူးတင်တယ်၊ ဇေယျာဖြိုးကို ကျေးဇူးတင်တယ်" လို့ မန္တလေးမြို့က ဦးဝီရသူက သူ့ရဲ့ အင်တာနက် လူမှု ကွန်ရက်စာ မျက်နှာမှာ ဖေဖော်ဝါရီ ၂၆ ရက်နေ့က  ရေးသားလိုက်ပါတယ်၊

ဦးကြည်လင်းက ရန်ကုန်လေဆိပ် သေနတ်သမား၊ ဦးအောင်ဝင်းဇော်က စီစဉ်သူဖြစ်ပြီး၊   ငွေကြေး ထုတ်ပေးသူက ဦး ဇေယျာဖြိုးတို့ဖြစ်တယ်၊ သူတို့ကို ဖမ်းဆီးပြီး လူသတ်မှုနဲ့ အရေးယူထားတယ်လို့ ပြည်ထဲရေးဌာနက  ဖေဖော်ဝါရီ ၂၄ သတင်းစာ ရှင်းလင်းပွဲမှာ ပြောလိုက်ပြီး  ဦးဝီရသူကတော့ "သူတို့မိသားစုတွေကို စာနာမိတယ်" လို့ ဆိုပါတယ်။

လုပ်ကြံမှုမှာ ပါဝင်တဲ့  လေဆိပ်သေနတ်သမား၊ တပ်မတော်အရာရှိဟောင်းတွေနဲ့ ဘာအဆက်အသွယ်မှ မရှိကြောင်း၊ အကြမ်းဖက်မှုမှန်သမျှကို ရှုတ်ချပြီး အကြမ်းဖက်ခံရသူ တိုင်းကိုလည်း စာနာမိကြောင်း ဦးဝီရသူက ရေးပါတယ်။ 

ဦးဝီရသူဟာ   မြန်မာနိုင်ငံရဲ့ ဗုဒ္ဓဘာသာဟာ အစ္စလမ်ဘာသာရဲ့ လွှမ်းမိုးမှု အန္တရာယ် ကျရောက်နေကြောင်းကို တက်တက်ကြွကြွလှုံ့ဆော်လေ့ရှိပြီး သူ့ရဲ့ တရားပွဲများမှာလည်း ဒီအကြောင်းတွေကို အမြဲတမ်း ဟောပြောလေ့ ရှိပါတယ်။

မဘသ အတွင်းရေးမှူး မှတ်ချက်

Facebook ရေးသားချက်နဲ့ ပတ်သက်ပြီး ဦးဝီရသူကို Myanmar Now က ဖေဖော်ဝါရီ ၂၇ ရက်နေ့မှာ ဆက်သွယ်ခဲ့ပေမယ့် အဆက်အသွယ် မရခဲ့ပါဘူး။

မဘသ ဗဟိုအဖွဲ့ အတွင်းရေးမှူးကတော့ ဦးဝီရသူရဲ့ ဖေဖော်ဝါရီ ၂၇ ရက်နေ့ ရေးသားချက်ဟာ ရေးသားသူရဲ့ ပုဂ္ဂလိက အာဘော်သာဖြစ်တယ်၊  ဦးကိုနီအသတ်ခံရ စဉ်က  အဖွဲ့အနေနဲ့    ဝမ်းနည်းကြောင်း ထုတ်ပြန် ကြေညာပြီးဖြစ်တယ်လို့ ဆိုပါတယ်။

သို့သော်လည်း ဦးကိုနီလိုမျိုး အခြေခံဥပဒေပြင်လိုသူတွေကို  မုန်းတီးသူ၊ သတ်ချင်သူတွေ အများအပြား ရှိတယ်လို့ မဘသ အတွင်းရေးမှူး၊ မွန်ပြည်နယ် မြစေတီဆရာတော် ဘဒ္ဒန္တ ဝိမလဗုဒ္ဓိက ယူဆပါတယ်။

 “ဦးကိုနီက မွတ်စလင်တွေ နေရာရအောင် တိုင်းပြည်ရဲ့ခြံစည်းရိုးဖြစ်တဲ့ ဖွဲ့စည်းပုံအခြေခံဥပဒေကို တစ်ခုချင်း ဖယ်ရှားနေတယ်၊  အခုချိန်မှာက တိုင်းပြည်ရဲ့အခြေအနေက ဒီဖွဲ့စည်းပုံအခြေခံဥပဒေကို ပြင်ဖို့ မလိုသေးဘူး၊  ရလည်း မရသေးဘူး၊  ဒါကို ပြင်မယ်လို့ပြောနေရင် အမုန်းပွားနေဦးမှာပဲ” လို့ ဆရာတော်က ဆိုပါတယ်၊

 “တပ်မတော်က ဒီဟာကို ကာကွယ်စောင့် ရှောက်ရမယ့်တာဝန် ရှိတယ်၊  ပြင်ချင်ရင် တပ်နဲ့ပေါင်းပေါ့၊  ဦးကိုနီက ဒီခြံစည်းရိုးကို တစ်ချောင်းချင်းဖြုတ်နေတာ၊  ဒါ တစ်နေ့ ချောက်ကျမှာပဲ။  ပြောလို့မှ မရရင် အမျိုးချစ်တဲ့ လူတွေရော၊ ဘုန်းကြီးတွေရော လက်ခံဘူး၊  တပ်ဘက်က အတွင်းကျကျ သိထားတာတစ်ခုက အခုအခြေအနေမှာ ဒေါ်အောင်ဆန်းစုကြည်ရဲ့အစိုးရအဖွဲ့ရဲ့ လုပ်ဆောင်ချက်တွေကို တပ်ဘက်က စောင့်ကြည့်နေတယ်”

အခြားတစ်ဘက်မှ အသံများ

ကိုယ်တိုင် ကျူးလွန်သတ်ဖြတ်တာ မဟုတ်ပေမယ့် သံဃာတော်တစ်ပါးအနေနဲ့   ရန်ကုန်လေဆိပ် လူသတ်သမားတွေကို အားပေးအားမြှောက်ပြုတာ၊ ချီးမွမ်းတာ၊ ထောက်ခံတာဟာ ရဟန်းရဲ့ဝိနည်းတော်အရ တတိယပါရာဇိကကျခြင်းဖြစ်တယ်၊ ရဟုန်းဘဝ ပြီးဆုံးသွားပြီး သာမန်လူတယောက်အဖြစ်သာ မှတ်ယူရမယ်လို့ ၂၀၀၇ ရွှေဝါရောင် သံဃာ့လှုပ်ရှားမှုမှာ ပါဝင်သူ မန္တလေးမှ  ဦးစိန္တိတက မှတ်ချက်ပေးပါတယ်။  

“အဲ့ဒီလိုလုပ်တာဟာ ရဟန်းဘဝ ပြန်မရတော့ဘူး၊  ရဟန်းမဟုတ်တော့ဘူး၊  ဒါကို တာဝန်ရှိတဲ့ သံဃ အဖွဲ့အစည်းတွေ သိရမယ်၊  သိချိန်မှာလည်း သာသနာတော်ပြင်ပကို ထုတ်ရမှာ၊  အခုက ဦးဝီရသူ ကိုယ်တိုင်က သူလုပ်တာဟာ ဝိနည်းနဲ့မညီတာကို မခံယူလို့လား၊ သက်ဆိုင်တဲ့အဖွဲ့တွေကပဲ ဒီအတိုင်း ကြည့်နေတာလားတော့ တွေးစရာဖြစ်တယ်” လို့ ဦးစိန္တိတက ဆိုပါတယ်၊ 

လူသတ်မှုကျူးလွန်ကြသူတွေကို ကျေးဇူးတင်ကြောင်း အများသိ ထုတ်ဖော်ခြင်းဟာ   ရာဇဝတ် မှုကို အားပေးအားမြှောက်ပြုတဲ့သဘော သက်ရောက်ပေမယ့်  ဥပဒေအရ အရေးယူနိုင်တဲ့အထိတော့ ပြစ်မှုမမြောက်ကြောင်း ဥပဒေရေးရာကျွမ်းကျင်သူတချို့က မှတ်ချက်ပြုပါတယ်၊

“အမှုဖြစ်စဉ် မဖြစ်ခင်မှာ သူ့အနေနဲ့ ဒီလိုရေးသားခဲ့မယ်ဆိုရင်တော့ ဥပဒေအရ အားပေးအားမြှောက်လုပ်တာ ဆိုပြီး သူ့ကိုအရေးယူလို့ရတယ်၊  အခုက ဖြစ်စဉ်ကြီး ဖြစ်ပျက်ပြီးမှ သူက သူ့စိတ်ခံစားချက်ကို လူမှုကွန်ရက်မှာ ရေးတာ ဖြစ်တဲ့အတွက် သူ့ကို အမှုဖွင့်အရေးယူလို့ကတော့ မရဘူး” လို့ ရန်ကုန်မြို့က တရားလွှတ်တော်ရှေ့နေ ဦးရောဘတ်စန်းအောင်က ဆိုပါတယ်၊ 

မဘသအဖွဲ့ရဲ့  ဥပဒေရေးရာ ကျွမ်းကျင်သူ တရားလွှတ်တော်ရှေ့နေ ဦးအေးပိုင်ကလည်း ဦးဝီရသူရဲ့ ရေးသားချက်ဟာ ပုဂ္ဂိုလ်ရေး ခံစားချက်သာဖြစ်တယ်လို့   ဆိုပါတယ်။

ဖေဖော်ဝါရီ ၂၅ ရက် နေ့ကပြုလုပ်သွားတဲ့ သတင်းစာရှင်းလင်းပွဲမှာ ပြည်ထဲရေးဝန်ကြီး ဒုတိယဗိုလ်ချုပ်ကြီးကျော်ဆွေက ဦးကိုနီသတ်ခံရမှုဟာ ပုဂ္ဂိုလ်ရေးမုန်းတီးတာကြောင့်ဖြစ်ပြီး၊ လူအချင်းချင်း အမုန်းပွားစေတဲ့ စကားတွေရပ်ကြရမယ်လို့  ပြောကြားခဲ့ပါတယ်။ ဒါပေမယ့် ဦးကိုနီသတ်ဖြတ်ခံမှုနဲ့ပတ်သတ်ပြီး အမုန်းပွားစေတဲ့စကားများ Facebook ကွန်ရက်မှာ ပျံ.နှံ့နေတာကိုတော့ အာဏာပိုင်များက အရေးယူဆောင်ရွက်ခြင်း မပြုတာ တွေ့ရှိရပါတယ်။

Read More

စောင့်ကြည့်ကော်မတီဖွဲ့ပြီးနောက် တိုက်ပွဲဖြစ်မှု လျော့ကျခဲ့ဟုဆို

   

၂ဝ၁၆ နှစ်ကုန်ပိုင်းက ရှမ်းပြည်နယ် စစ်ရှောင်စခန်းတစ်ခုမှ ကလေးငယ်များ စာသင်ကျောင်း အားလပ်ချိန်တွင် ကစားနေကြစဉ်။ နယ်စပ်ဒေသတွင် စစ်ပြေးဒုက္ခသည် တစ်သိန်းကျော် သွားရောက်ခိုလှုံနေပြီး၊ ပြည်တွင်းတွင် စစ်ရှောင် ဒုက္ခသည် သုံးသောင်းခွဲ ရှိကြောင်း လူ့အခွင့်အရေး အဖွဲ့များက ခန့်မှန်းထားသည် (ဓာတ်ပုံ - အိချယ်ရီအောင်/Myanmar Now)

 ရေးသားသူ - ခင်စန္ဒာမြင့်   

ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC) ကို ၂ဝ၁၅ အောက်တိုဘာ ၈ ရက်နေ့တွင် ဖွဲ့စည်းပြီးနောက် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးစာချုပ် (NCA)  ကို လက်မှတ် ရေးထိုးထားသည့် တိုင်းရင်းသားလက်နက်ကိုင်အဖွဲ့များနှင့် တပ်မတော်တို့အကြား တိုက်ပွဲဖြစ်ပွားမှု နည်းပါးလာသည်ဟု  JMC အမှုဆောင် ဒါရိုက်တာ ဒေါက်တာမင်းဇော်ဦးက   ပြီးခဲ့သည့် သီတင်းပတ်အတွင်း ပြောသည်။

"JMC ပေါ်လာပြီးနောက် တိုက်ပွဲက ၁၂ ဆလောက် လျော့သွားတယ်" ဟု  ငြိမ်းချမ်းရေးအကြံပေး အဖွဲ့ဝင်လည်းဖြစ်သည့် ဒေါက်တာမင်းဇော်ဦးက ပြောသည်။

KNU အလုပ်အမှုဆောင်ကော်မတီဝင် ဖထီးဝင်းခိုင်ကလည်း ယင်းနောက်ပိုင်းတွင် လက်နက်ကိုင်အဖွဲ့များကြား ထိပ်တိုက်တွေ့ဆုံမှုများ လျော့ကျသွားကြောင်း ပြောသည်။

"အပစ်အခတ်ရပ်စဲပြီးမှ တိုက်ပွဲတွေ နည်းလာတာတော့ ဟုတ်တယ်။ ဒါပေမယ့် မရပ်စဲသေးတဲ့ ကရင်နီ (ကယား)နဲ့ မွန်မှာလည်း ဘာပြဿနာမှ မဖြစ်ဘူးလေ။ JMC က ပေါ်လာတာလည်း မကြာသေးဘူး။ သူပေါ်လာတဲ့အတွက် ငြိမ်းချမ်းရေးဖော်ဆောင်မှုမှာ ပိုအားရှိလာတာ မှန်ပေမယ့် သူ့တစ်ယောက်တည်း လုပ်လို့တော့ မဟုတ်ဘူး" ဟု ၎င်းကပြောသည်။

၂ဝ၁၅ ခုနှစ်အတွင်း မြန်မာ့တပ်မတော်နှင့် NCA လက်မှတ်ထိုးထားသည့် တိုင်းရင်းသားလက်နက်ကိုင်တို့၏ တိုက်ပွဲများကိုကြည့်လျှင် ဒီမိုကရေစီကရင့်အကျိုးပြု တပ်မတော်(DKBA) နှင့် ၁၂ ကြိမ်၊ ကရင်အမျိုးသား အစည်းအရုံး(KNU)နှင့် ၅ ကြိမ်၊ ရှမ်းပြည်နယ်ပြန်လည်ထူထောင်ရေးကောင်စီ(RCSS/SSA) နှင့် ၁၃ ကြိမ်၊ SSPP/SSA နှင့် ၃၄ ကြိမ်ဖြစ်ပွားခဲ့သည်ကို မြန်မာသတင်းနိုင်ငံတကာ (BNI) အဖွဲ့၏ ၂ဝ၁၆ ခုနှစ် မြန်မာ့ငြိမ်းချမ်းရေးလုပ်ငန်းစဉ်ကို ပုံဖော်ခြင်းလမ်းညွှန်တွင် တွေ့ရသည်။ 

၂ဝ၁၆ ခုနှစ်အတွင်း မြန်မာတပ်မတော်နှင့် တိုက်ပွဲဖြစ်ပွားမှုနှုန်း လျော့ကျခဲ့သော်လည်း DKBA နှင့် ၂ ကြိမ်၊ RCSS/SSA နှင့် ၆ ကြိမ်၊ SSPP/SSA နှင့် ၉ ကြိမ်၊ ABSDF နှင့် ၁ ကြိမ်သာ ဖြစ်ပွားခဲ့ကြောင်း ဖော်ပြထားသည်။ ထို့ကြောင့် JMC ပြည်နယ်အဆင့်များ ဖွဲ့စည်းပြီးနောက် တိုက်ပွဲအရေအတွက် လျော့ကျသွားသည်ကို တွေ့ရခြင်းဖြစ်သည်။

JMC ကော်မတီမှာ အပစ်ရပ်စာချုပ်အရ ပေါ်ပေါက်လာခြင်းဖြစ်ပြီး အဆိုပါ ကော်မတီမှ ဆင့်ပွား၍   ပြည်နယ်အဆင့် JMC-S ကို လည်းကောင်း၊ ဒေသအဆင့် JMC-L ကိုလည်းကောင်း ဆက်လက်ဖွဲ့စည်းရန် တာဝန်ရှိသည်။ ၂ဝ၁၆ ခုနှစ် ဇန်နဝါရီလက ရှမ်းပြည်နယ်တွင် JMC-S ကို စတင်ဖွဲ့စည်းခဲ့ပြီးနောက် တနင်္သာရီတိုင်းဒေသကြီး၊ မွန်ပြည်နယ်၊ ကရင်ပြည်နယ်၊ ပဲခူးတိုင်းဒေသကြီးတို့တွင်   ဖွဲ့စည်းခဲ့သည်။ ဒေသအဆင့် JMC-L ကိုမူ ဖွဲ့စည်းနိုင်ခြင်းမရှိသေးပေ။

ပြည်ထောင်စုအဆင့် အပစ်အခတ်ရပ်စဲမှု ပူးတွဲစောင့်ကြည့်ရေးကော်မတီ(JMC-U) သည် လုပ်ငန်းလမ်းညွှန်ချက် ၄ဝ ကျော် ဆောင်ရွက်ရမည့်အနက် ၁၂ ခုကို အတည်ပြုဆောင်ရွက်ခဲ့ပြီး၊ ထိုလုပ်ငန်းလမ်းညွှန်မှုများမှတစ်ဆင့် အောက်ခြေအဆင့်ဆင့် ညှိနှိုင်းဆောင်ရွက်မှုများ၏ အကျိုးရလဒ်ကြောင့်NCA လက်မှတ်ရေးထိုးထားသည့် အဖွဲ့များနှင့် တိုက်ပွဲဖြစ်ပွားမှု ၁၂ ဆ လျော့ကျသွားရခြင်းဖြစ်ကြောင်း ဒေါက်တာမင်းဇော်ဦးက ထပ်လောင်းပြောကြားသည်။

တစ်နိုင်ငံလုံးပစ်ခတ်ရပ်စဲရေးသဘောတူစာချုပ်အရ စစ်ဘက်ဆိုင်ရာ ကျင့်ဝတ်စည်းမျဉ်းများကို နှစ်ဘက်စလုံးက တင်းကျပ်စွာ စောင့်ကြည့်ရန်၊ အငြင်းပွားမှုများကို (အင်အားအသုံးပြုခြင်းမရှိဘဲ) ပူးတွဲဖြေရှင်း နိုင်ရန်နှင့် နှစ်ဖက်စလုံးက သဘောတူထားသည့်အတိုင်း တပ်များနေရာ ပြန်လည်ချထားရေးကို စောင့်ကြည့်ရန်  JMC –U ကို ၂ဝ၁၅ခုနှစ် အောက်တိုဘာတွင် စတင်ဖွဲ့စည်းခဲ့ခြင်း ဖြစ်သည်။

NCA လက်မှတ်ရေးထိုးပြီး တိုင်းရင်းသားလက်နက်ကိုင်များနှင့် တပ်မတော်တို့အကြား တိုက်ပွဲများဖြစ်နေသည့် အပေါ် ဒေါက်တာမင်းဇော်ဦးက “အပစ်ရပ်သဘောတူချက် ကျိုးပေါက်တာကလည်း အောက်ခြေ အဆင့်က ကျိုးပေါက်တာ ဖြစ်တယ်။ ထိန်းနိုင်တာလည်း အောက်ခြေအဆင့်ကပဲဖြစ်တယ်။ အများစုဟာ နိုင်ငံရေးကြောင့် ကျိုးပေါက်တာထက် အောက်ခြေမှာအသေးအဖွဲက စကျိုးပေါက်တာဖြစ်တယ်။ ဒါ့ကြောင့် အောက်ခြေ ပြည်နယ်အဆင့်၊ ဒေသဆိုင်ရာအစည်းအဝေးတွေနဲ့ ဖြေရှင်းနိုင်အောင် ကြိုးစားနေပါတယ်”ဟု  ပြောသည်။

မြိတ်၊ ထားဝယ်ခရိုင် KNU အလုပ်အမှုဆောင်ကော်မတီ ဖထီးဝင်းခိုင်က တနင်္သာရီတိုင်းဒေသကြီးအတွင်း အပစ်အခတ် ရပ်စဲပြီး နောက်ပိုင်း တိုက်ပွဲဖြစ်ပွားမှု မရှိသလောက်နည်းသွားသော်လည်း၊ ကရင်ပြည်နယ်တွင် လက်နက်ကိုင် အဖွဲ့ အစည်း မျိုးစုံ ရှိနေသောကြောင့် တိုက်ပွဲများလည်းရှိနေသည်ဟု ဆိုသည်။

နှစ်ဖက်တပ်များ၏ အောက်ခြေအဆင့် မပြေလည်မှုများကိုမူ တိုင်းရင်းသားလက်နက်ကိုင်များ၏   ဆက်ဆံရေးရုံးများ၊ ရပ်ကွက်/ကျေးရွာအုပ်စုနှင့် ခရိုင်မြို့နယ် အထွေထွေအုပ်ချုပ်ရေးရုံးများမှတဆင့် JMC-S ကော်မတီများထံသို့ တင်ပြနိုင်ပြီး၊ ချိုးဖောက်မှုများတွင် အသေးစားချိုးဖောက်မှု၊ စိုးရိမ်ရသော ချိုးဖောက်မှုနှင့် ပြင်းထန်သော ချိုးဖောက်မှုများအဖြစ် ကဏ္ဍသုံးမျိုးခွဲကာ အရေးယူဆောင်ရွက်မည်ဖြစ်ကြောင်းလည်း သိရသည်။

သို့သော် တပ်မတော်သည် NCA စာချုပ်တွင် လက်မှတ်ထိုးထားသည့် အဖွဲ့များနှင့်ပင် တိုက်ပွဲများ ပြန်လည်ဖြစ်ပွားမှုများ ရှိနေပြီး၊ ဒီမိုကရေစီအကျိုးပြုကရင်တပ်မတော်(DKBA)နှင့်၂ဝ၁၆ သြဂုတ်နှင့် စက်တင်ဘာလတို့တွင်လည်း ကောင်း၊ ကရင်အမျိုးသားအစည်းအရုံး (KNU) နှင့် ၂ဝ၁၆  ဇူလိုင်၊  ၂ဝ၁၇  ဇန်နဝါရီလတို့တွင်လည်းကောင်း၊  ရှမ်းပြည် ပြန်လည်ထူထောင်ရေးကောင်စီ (RCSS/SSA) အဖွဲ့နှင့် ၂ဝ၁၆ နှစ်ကုန်ပိုင်းတွင် လည်းကောင်း တိုက်ပွဲများ ထပ်မံဖြစ်ပွားခဲ့သည်။

JMC အနေဖြင့် တိုက်ပွဲများ မဖြစ်ပေါ်အောင် တားဆီးနိုင်မှု မရှိကြောင်း ဝေဖန်ခံနေရသည်။

တပ်မတော်သည်    တိုင်းရင်းသားလက်နက်ကိုင်အဖွဲ့ပေါင်းစုံနှင့်  ထိတွေ့မှုတိုက်ပွဲပေါင်း ၂ဝ၁၅ တွင် ၄၆ဝ ကျော်၊ ၂ဝ၁၆  တွင် ထိတွေ့တိုက်ပွဲပေါင်း ၅၈ဝ ကျော် ဖြစ်ပွားခဲ့ကြောင်းကိုလည်း BNI ၏ ထုတ်ပြန်ချက်များ အရ သိရသည်။

တိုင်းရင်သားလက်နက်ကိုင်အဖွဲ့ တစ်ခုနှင့် တစ်ခုအကြား ထိတွေ့တိုက်ပွဲများ ရှိခဲ့ပြီး ၂ဝ၁၅ တွင် တိုက်ပွဲပေါင်း ၃ဝ ကျော်၊ ၂ဝ၁၆ တွင် ၁၆ဝ ကျော် ဖြစ်ပွားခဲ့သည်။

နှစ်ပေါင်းကြာရှည်ခဲ့သော ပြည်တွင်းစစ်ကြောင့် ထိုင်း-မြန်မာနယ်စပ် တစ်လျှောက်ရှိဒုက္ခသည်စခန်းများတွင် သွားရောက်ခိုလှုံနေသူ တစ်သိန်းကျော် ရှိနေကြောင်း၊ မွန်ပြည်နယ်တွင် IDP ခေါ် ပြည်တွင်းနေရပ်စွန့် ခွာ တိမ်းရှောင်နေရသူ အရေအတွက် သုံးသောင်းခွဲခန့် ရှိကြောင်း မြန်မာ့လူ့အခွင့်အရေး အဖွဲ့များ ၂ဝ၁၆ သြဂုတ်လတွင် ထုတ်ဝေသော“လူမသိသူမသိဘဝများ - မြန်မာနိုင်ငံမှ လူမသိသေးသော နေရပ်စွန့်ခွာ တိမ်းရှောင်ရမှုသံသရာ” အစီရင်ခံစာတွင် ဖော်ပြထားသည်။

(သတင်းရေးသားသူ ခင်စန္ဒာမြင့်သည်   ရန်ကုန် အခြေစိုက် သတင်းထောက် တစ်ဦး ဖြစ်သည်။)

Read More

အမျိုးသား ၂ ဦးကို ဦးကိုနီအမှုနှင့် ဆက်စပ်ပြီး တာမွေမြို့တွင်ဖမ်းဆီးခဲ့

  

  အင်္ကျီလက်ရှည် လည်ကတုံး အဖြူရောင် ၀တ်ဆင်ထားသော တပ်မတော် ထောက်လှမ်းရေး ဗိုလ်ကြီးဟောင်း ဦးဇေယျာဖြိုးကို    အမျိုးဘာသာ သာသနာ စောင့်ရှောက်ရေးအဖွဲ့ ဥက္ကဋ္ဌ ဆရာတော် ဦးတိလောကဘိဝံသ၊  သီတဂူဆရာတော် အရှင်ဥာဏိဿရတို့ နှင့်အတူ ၂ဝ၁၅ ခုနှစ်ခန့်က တွေ့ရစဉ်

ဆွေဝင်း/Myanmar Now

ရန်ကုန် (Myanmar Now)--အမျိုးသားဒီမိုကရေစီအဖွဲ့ချုပ်၏ ဥပဒေအကြံပေး ဦးကိုနီ လုပ်ကြံသတ်ဖြတ်ခံရမှုနှင့် စပ်လျဉ်း၍ အမျိုးသားနှစ်ဦးကို ရန်ကုန်တိုင်းဒေသကြီး၊ တာမွေမြို့နယ်တွင် လွန်ခဲ့သည့် ရက်သတ္တပတ်ကျော်က ဖမ်းဆီးခဲ့ကြောင်း သိရသည်။

ဦးဇေယျာဖြိုး ဆိုသူအား ဖေဖော်ဝါရီလ ၁ဝ ရက်နေ့က တာမွေလေးရပ်ကွက်တွင် လည်းကောင်း၊ ဦးတင်ထွန်းအောင်ဆိုသူအား ဖေဖော်ဝါရီလ ၁၁ ရက်နေ့က မာန်အောင်ရပ်ကွက်တွင် လည်းကောင်း ရဲတပ်ဖွဲ့ကဖမ်းဆီးခဲ့ကြောင်း တာမွေမြို့နယ် အမျိုးသားဒီမိုကရေစီအဖွဲ့ချုပ်မှ တုိုင်းဒေသကြီး လွှတ်တော်ကိုယ်စားလှယ် ဦးလှသိန်းက ပြောကြားသည်။

ဦးဇေယျာဖြိုးကို ဖမ်းဆီးစဉ် ဝန်ထမ်းသက်သေခံကတ် သုံး၊ လေးခု၊ ဦးတင်ထွန်းအောင်ကို ဖမ်းဆီးစဉ် တပ်မတော် ထောက်လှမ်းရေးအကူတပ် အဖွဲ့ဝင် ကတ်ပြား တွေ့ရှိခဲ့သည်ဟု သိရကြောင်း ဦးလှသိန်းက Myanmar Now ကို ပြောကြားသည်။

“သူတို့တွေက ဒီဒေသခံမဟုတ်ဘူး။ ဒီမှာလာပြီး ပုန်းအောင်းနေတာလို့သိရတယ်” ဟု ဦးလှသိန်းက ဆိုသည်။

၁၉၇၄တွင် မွေးဖွားခဲ့သော ရန်ကုန်မြို့ဇာတိ ဦးဇေယျာဖြိုးသည် စစ်တက္ကသိုလ်အမှတ်စဉ် ၃၈ ဆင်းဖြစ်ပြီး၊ ဗိုလ်ချုပ်ကြီးဟောင်းခင်ညွှန့် ဦးဆောင်သော တပ်မတော်ဗဟုိုထောက်လှမ်းရေးတပ် ဖျက်သိမ်းမခံရခင် ၂ဝဝ၄ခုနှစ် အောက်တိုဘာလအထိ ဗိုလ်ကြီးအဆင့် ဖြင့် တာဝန်ထမ်းဆောင်ခဲ့ဖူးသူဟု သူနှင့်နီးစပ်သူ စစ်ဖက်အသိုင်းအဝိုင်းက Myanmar Now ကို ပြောဆိုသည်။

“(အခြားထောက်လှမ်းရေးအဖွဲ့ဝင်တွေလို) သူက ထောင်တွေ ဘာတွေမကျဘူး။သူ ထောက်လှမ်းရေးက ထွက်ရပြီးနောက်ပိုင်း စီးပွားရေးကုမ္ဗဏီတွေ အများကြီး လုပ်နေတာ” ဟု သူနှင့် နီးစပ်သူတစ်ဦးက ဆိုသည်။

ဦးဇေယျာဖြိုးကို ဖမ်းဆီးထားသည်မှာ ဟုတ်မှန်ကြောင်း ရန်ကုန်တိုင်း ရဲတပ်ဖွဲ. ပြောရဲဆိုခွင့်ရှိသူရဲမှုးလှဝေက အတည်ပြုပြောကြားသော်လည်း၊ ဦးတင်ထွန်းအောင်နှင့်ပတ်သက်၍မူ မသိရှိကြောင်း၊ ဦးကိုနီ အမှု နောက်ဆက်တွဲအခြေအနေများကို ဖေဖော်ဝါရီ ၂၅ ရက်တွင် ရန်ကုန်မြို.ရှိ မူးယစ်ပြတိုက်တွင် ပြည်ထဲရေးဝန်ကြီးဌာနက သတင်းစာရှင်းလင်းပွဲပြုလုပ်မည်ဟု သူကဆိုသည်။

ရန်ကုန် အင်းစိန်မြို့နယ်ရှိ အမျိုးဘာသာ သာသနာစောင့်ရှောက်အဖွဲ့ဥက္ကဌ ဆရာတော် ဦးတိလောကဘိဝံသနှင့် သီတဂူဆရာတော် အရှင်ဥာဏိဿရတို့ ၂ဝ၁၅ ခုနှစ်ခန့်က တွေ့ဆုံပွဲ မှတ်တမ်းဓာတ်ပုံတစ်ခုတွင်ပါရှိသူ လူလတ်ပိုင်းအမျိုးသားတစ်ဦးအား ဦးဇေယျာဖြိုးဆိုသူဟု လူမှုကွန်ယက်တွင် ပြောဆိုနေမှုများရှိရာ ထိုအချက်မှာ မှန်ကန်ကြောင်း ၄င်းနှင့်ရင်းနှီးသိကျွမ်းသူများက အတည်ပြု ပြောဆိုသည်။

ဦးဇေယျာဖြိုး ဖမ်းဆီးခံရမှုသတင်းကို ရန်ကုန်အခြေစိုက် Speaker ဂျာနယ်က ဖေဖော်ဝါရီ ၂ဝ ရက်နေ့တွင် ကနဦး ရေးသားခဲ့ခြင်းဖြစ်သည်။

၎င်းဖမ်းဆီးခံရမှုနှင့်ပတ်သက်ပြီး သက်ဆိုင်ရာ အာဏာပိုင်များကို မေးမြန်းရာ နိုင်ငံတော်သမ္မတရုံး ပြောရေးဆိုခွင့်ရှိသူ ခေတ္တညွှန်ကြားရေးမှူးချုပ် ဦးဇော်ဌေးက တိကျသည့်ဖြေကြားမှု မပြုလုပ်ဘဲ မကြာခင် သတင်းထုတ်ပြန်မှု ပြုလုပ်မည်ဟုသာ ဆိုသည်။

ဇန်နဝါရီလ ၂၉ ရက်နေ့တွင် ရန်ကုန်အပြည်ပြည်ဆိုင်ရာလေဆိပ်တွင် သေနတ်ဖြင့် အနီးကပ် ပစ်ခတ် လုပ်ကြံသတ်ဖြတ်ခံရသော ဦးကိုနီအမှုနှင့်ဆက်စပ်၍ ဦးကြည်လင်း၊ ဦးအောင်ဝင်းဇော်ဆိုသူတို့အား ဖမ်းဆီးထားကြောင်း၊ ၄င်းတို့ နှစ်ဦးအား ငွေပေးခိုင်းစေသူ ဦးအောင်ဝင်းဇော်၏ညီ ဒုတိယဗိုလ်မှုးကြီးဟောင်း ဦးအောင်ဝင်းခိုင်ကို ဖမ်းဆီးရမိရေး ဆောင်ရွက်လျက်ရှိကြောင်း အစိုးရက ထုတ်ပြန်ထားသည်။

Read More

ဦးကိုနီလုပ်ကြံမှု သံသယတရားခံ ဦးဇေယျာဖြိုး ဖမ်းခံရတဲ့သတင်း ထွက်ပေါ်

  

 

ဦးဇေယျာဖြိုး သင်္ကန်းဝတ်ခဲ့တဲ့ ရန်ကုန်မြို့ ကျောက်ကုန်းကျောင်းကြီး ပရိယတ္တိစာသင်တိုက်ကို ဖေဖော်ဝါရီလ ၂၃ ရက်နေ့က တွေ့ရပုံ (ဓာတ်ပုံ - ထက်ခေါင်လင်း/Myanmar Now)

ထက်ခေါင်လင်း - Myanmar Now

ရန်ကုန် (Myanmar Now) - ဦးကိုနီကို လုပ်ကြံမှုမှာ ပါဝင်တယ်လို့ ယူဆရသူတစ်ဦးဖြစ်တဲ့ ရန်ကုန်၊ တာမွေမြို့နယ်က ဦးဇေယျာဖြိုး ဖေဖော်ဝါရီ လဆန်းက ဖမ်းဆီးခံရကြောင်း သူသင်္ကန်းစည်းခဲ့တဲ့ ကျောက်ကုန်းကျောင်းကြီး ပရိယတ္တိစာသင်တိုက် ဆရာတော်က ကြာသပတေးနေ့မှာ မိန့်ပါတယ်။

လဆန်း ၁ ရက်နေ့က အဆိုပါကျောင်းမှာ သင်္ကန်းစည်းတဲ့ တပ်မတော် အရာရှိဟောင်း ဦးဇေယျာဖြိုးဟာ  ၃ ရက်နေ့ မနက်ပိုင်းမှာ လူဝတ်လဲသွားတယ်လို့ ဆရာတော်က မိန့်ပါတယ်။

 “လူပြန်ထွက်သွားပြီး သူ့အိမ်ပြန်သွားတယ်။ အိမ်ပြန်ပြီးမှ အဖမ်းခံရတာလားတော့ မသိဘူးလေ။ သူ့ကို ဒီမှာလာ ပြောလို့ သူသိပြီး လူထွက်တာနေမှာပေါ့။ အိမ်ခဏပြန်ပြီးမှ သူ့ကို ဟိုခေါ်သွားတာ ဖြစ်ပါလိမ့်မယ်” လို့ ဆရာတော်က မိန့်ကြားပါတယ်။

“အဲ့ဒီအချိန်က ဆရာတော်လည်း ခရီးသွားနေတာ၊ သူလူထွက်တော့ တိုက်အုပ်ကိုယ်တော်က သိက္ခာချပေးလိုက်တာ”

သူတို့မိသားစုက ကျောင်းမှာ အလှူအတန်းလာရောက် လုပ်ကိုင်တတ်သလို အိမ်မှာ အလှူပွဲ ကျင်းပတဲ့အခါမှာ သွားရောက်  တရားဟော၊ ဆွမ်းဘုန်းပေးခဲ့တာမျိုး ရှိတယ်လို့ ဆရာတော်ထံက သိရပါတယ်။

လွန်ခဲ့တဲ့ ၁ဝ နှစ်ခန့်က စတင်ရင်းနှီးကြချိန်မှာ ဦးဇေယျာဖြိုးဟာ တပ်မတော်ကနေ နှုတ်ထွက်ပြီးဖြစ်တယ်လို့ ယူဆကြောင်း၊ သင်္ကန်းစည်းတာ ဦးဇေယျာဖြိုး တစ်ဦးတည်း ဖြစ်ပြီး အဲဒီနေ့က ကျောင်းကို မိသားစုနဲ့ဆွေမျိုးသားချင်းများ လာရောက်ကြကြောင်း၊ သူဟာ ဆောက်လုပ်ရေးလုပ်ငန်း လုပ်ကိုင်သူလို့ သိရကြောင်း ဆရာတော်က မိန့်ပါတယ်။

“သူတိုက်တွေဘာတွေ ဆောက်တယ်ဆိုတာလောက်ပဲ သိတယ်။ ကျန်တာတော့ ဦးဇင်းတို့လည်း မသိဘူး” လို့ ဆရာတော်က မိန့်ပါတယ်။

“သူ့ကို ဖမ်းသွားပြီး နောက်ပိုင်းလည်း ကျောင်းကို ဘယ်ရဲတွေမှ လာမေးမြန်းကြတာမျိုး မရှိပါဘူး”

ဦးဇေယျာဖြိုးကို ဖမ်းဆီးမှုနဲ့ ပတ်သက်ပြီး ရန်ကုန်၊ တာမွေရဲစခန်းကို ကြာသပတေးနေ့ ညနေပိုင်းက ဆက်သွယ်ရာမှာ တာဝန်မှူးဖြစ်သူ ဒုရဲအုပ်တစ်ဦးက စခန်းအနေနဲ့ ဒီကိစ္စကို မသိရှိကြောင်း၊ ဖမ်းဆီးမှုမှာလည်း တာမွေမြို့နယ်ရဲတပ်ဖွဲ့ဝင်တွေ ပါဝင်ခဲ့ခြင်း မရှိကြောင်း  ပြန်လည်ဖြေကြားပါတယ်။

နိုင်ငံတော်သမ္မတရုံး ပြောရေးဆိုခွင့်ရှိသူ ခေတ္တညွှန်ကြားရေးမှူးချုပ် ဦးဇော်ဌေးကို ဆက်သွယ် မေးမြန်းရာမှာတော့ ဦးဇေယျာဖြိုးကို ဖမ်းဆီးထားမှုနဲ့ ပတ်သက်ပြီး အဖြေ တိတိကျကျ မပေးပေမယ့် မကြာခင် သတင်းထုတ်ပြန်မှု ပြုလုပ်မယ်လို့ ပြောပါတယ်။

“အဲ့ဒီကိစ္စအတွက် ကျွန်တော်တို့ ညှိနှိုင်းနေပါတယ်။ လာမယ့် ၁ ရက်၊ ၂ ရက်အတွင်း သတင်း ထုတ်ပြန်မှာပါ။ အဲ့ဒီလူကို ဖမ်းဆီးထားတာ ဟုတ်သလား၊ မဟုတ်ဘူးလား၊ ပက်သက်သလား၊ မပက်သက်ဘူးလား အားလုံးကို သတင်းမထုတ်ပြန်သေးခင် ကျွန်တော်တို့ ဘာမှပြောလို့မရသေးပါဘူး” လို့ ဦးဇော်ဌေးက ဆိုပါတယ်။

အမျိုးသား ဒီမိုကရေစီ အဖွဲ့ချုပ် ဥပဒေအကြံပေး ရှေ့နေဦးကိုနီ ဇန်နဝါရီလကုန်းပိုင်း ရန်ကုန်လေဆိပ်မှာ လုပ်ကြံခံရမှုကို  အာဏာပိုင်တို့က စုံစမ်းစစ်ဆေးမှု ပြုလုပ်ခဲ့ပေမယ့် တွေ့ရှိချက်တွေကို အဆက်မပြတ် ထုတ်ပြန်ခြင်း မရှိတဲ့အတွက် ဝေဖန်ခံနေရပါတယ်။ ဦးဇေယျာဖြိုး အထိန်းသိမ်းခံရတယ်ဆိုတဲ့ သတင်းနဲ့ ပတ်သက်ပြီး အများပြည်သူက အာဏာပိုင်တို့ရဲ့ ထုတ်ပြန်ချက်ကို စောင့်မျှော်နေကြပါတယ်။

ဦးဇေယျာဖြိုးနဲ့ သူ့မိသားစုဟာ အမှတ် D-8, မင်္ဂလာလမ်း၊ တာမွေလေးရပ်ကွက်မှာ နေထိုင်ကြသူတွေဖြစ်တယ်၊ သူဟာ စစ်သက္ကသိုလ် အပတ်စဉ် ၃၆ ဆင်းသူဖြစ်ပြီး ဗဟိုထောက်လှမ်းရေးတပ် (ဗကထ-ရေကြည်အိုင်) မှာ သင်တန်းနည်းပြတစ်ဦးအဖြစ် ဆောင်ရွက်ခဲ့သူဖြစ်ကြောင်း၊ အိန္ဒိယနိုင်ငံမှာ စစ်ခွေးအထူးလေ့ကျင့်ရေး သင်တန်း တက်ရောက်ဖူးသူဖြစ်ကြောင်း ရန်ကုန်အခြေစိုက် အပတ်စဉ်ထုတ် ဂျာနယ် The Speaker News Journal အတွဲ ၁၊ အမှတ် ၁၄ မှာ သတင်း ရေးသားထားပါတယ်။

ရန်ကုန်လေဆိပ် လုပ်ကြံမှုရဲ့ အဓိက ကွင်းဆက်တရားခံ တစ်ဦးဖြစ်တယ်လို့ အာဏာပိုင်တို့ သတင်းထုတ်ပြန်ထားတဲ့ ဒုတိယဗိုလ်မှူးကြီးဟောင်း ဦးအောင်ဝင်းခိုင်ဟာလည်း စစ်တက္ကသိုလ်ဆင်း ဖြစ်ပြီး  ၂ဝ၁၄ ခုနှစ်မှာ တပ်မတော်ကနေ နှုတ်ထွက်ခဲ့တယ်လို့ သိရပါတယ်။  ။

Read More

ယန်ဟီလီသွားခဲ့သည့် ရဲဘက်စခန်းတွင် အကျဉ်းသားများ ခြေချင်းဖြင့် ဆက်လက်အလုပ်လုပ်နေရ

  

ဇန်နဝါရီဒုတိယပတ်က မွန်ပြည်နယ်၊ ပေါင်မြို့နယ် ဇင်းကျိုက် ကျောက်ထုတ်စခန်း လုပ်ငန်းခွင်တွင် တွေ့ရသော အကျဉ်းသားများ (ဓာတ်ပုံများ - Myanmar Now)

ဆွေဝင်း/Myanmar Now

ဇင်းကျိုက် (Myanmar Now) -   မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အခြေအနေ ဆိုင်ရာ အထူး အစီရင်ခံစာ တင်သွင်းသူ  မစ္စယန်ဟီလီ မကြာသေးမီက သွားရောက် လေ့လာခဲ့သည့် မွန်ပြည်နယ်ရှိ ကျောက်ထုတ်စခန်းတစ်ခုတွင် အကျဉ်းသားများ ယနေ့တိုင် သံခြေချင်းများဖြင့် ဆက်လက်၍ အလုပ်ကြမ်း လုပ်နေရကြောင်း တွေ့ရှိရသည်။

ယန်ဟီလီသည် ပေါင်မြို့နယ်ရှိ ဇင်းကျိုက်ကျောက်ထုတ်ရဲဘက်အကျဉ်းစခန်းသို့ သွားရောက်ခဲ့ခြင်း ဖြစ်ပြီး သူ၏အဓိကစိုးရိမ်ပူပန်မှုမှာ အကျဉ်းသားတို့ ကျောက်ထုတ်သည့် မိုင်းများတွင် အလုပ်လုပ်ကိုင်စဉ်နှင့် အိပ်ဆောင်တွင် နေထိုင်စဉ် သံခြေချင်း တပ်ဆင်ခံရခြင်း ဖြစ်သည်။

ထုိုကဲ့သို့ အကျဉ်းသားများကို သံခြေချင်းခတ်ပြီး အလုပ်ကြမ်းများ ခိုင်းစေခြင်းသည် ၄င်းတို့ ခံစားရမည့် တရားရုံးက ချမှတ်သည့် ပြစ်ဒဏ်များအပြင် ထပ်ဆောင်းအပြစ်ပေးခြင်း ပုံစံ ဖြစ်နေကြောင်း ယန်ဟီလီက ရန်ကုန်တွင် ဇန်နဝါရီ ၂၄ ရက်က ပြုလုပ်ခဲ့သော သတင်းစာ ရှင်းလင်းပွဲတွင် ပြောကြားခဲ့သည်။

ယန်ဟီးလီပြန်သွားပြီး တစ်လခန့်အကြာ အကျဉ်းသား ၄ဝဝ ခန့် ရှိသော ဇင်းကျိုက် ကျောက်ထုတ် အကျဉ်းစခန်းသို့  Myanmar Now သတင်းဌာနက သွားရောက် လေ့လာသည့်အခါ အကျဉ်းသားတို့သည် အန္တရာယ်များသည့် ကျောက်မိုင်း လုပ်ငန်းခွင်တွင် သံခြေချင်းများဖြင့် ဆက်လက် အလုပ်နေရကြောင်း တွေ့ရှိခဲ့ပြီး၊ ထိုကဲ့သို့ အလုပ် လုပ်နေရသည့် အကျဉ်းသားများကို ဓာတ်ပုံမှတ်တမ်း ရယူနိုင်ခဲ့သည်။

ကျောက်မိုင်းလုပ်ငန်းခွင်တွင် မည်သည့်စက်ယန္တယားအကူအညီမျှ မပါဘဲ ကျောက်တောင် ကမ်းပါးယံကို သံချောင်းဖြင့် ထုိုးနေသော  အကျဉ်းသားများ၊ ကြီးမားသော ကျောက်တုံးများကို ထုခွဲနေရသော အကျဉ်းသားများ၊ ကျောက်တုံးများကို ရော်ဘာပုံးထဲ ထည့်ပြီး ဆယ်ဘီးကားကြီးများပေါ် တင်ဆောင်နေသော အကျဉ်းသားများကို တွေ့ရှိခဲ့သည်။ အကျဉ်းသားအများအပြား သံခြေချင်းများဖြင့် အလုပ်လုပ်နေရကြောင်း Myanmar Now သတင်းထောက်တစ်ဦးက တွေ့ရှိခဲ့ခြင်း ဖြစ်သည်။

ဇင်းကျိုက်အကျဉ်းစခန်းတွင် အကျဉ်းကျနေသူတစ်ဦး၏   အမည်မဖော်လိုသော မိခင်ဖြစ်သူက ၎င်း၏သားသည် ဖေဖော်ဝါရီ လဆန်းပိုင်းတွင် အင်းစိန်ထောင်မှ ထိုစခန်းသို့ ပြောင်းရွှေ့ခံခဲ့ရပြီး ကျောက်မိုင်းလုပ်ငန်းခွင်တွင် သံခြေချင်းဖြင့် အလုပ်လုပ်နေရကြောင်း၊ မကြာသေးမီက   ထောင်ဝင်စာသွားရောက် တွေ့ဆုံစဉ် အကျဉ်းသားတစ်ဦး လုပ်ငန်းခွင်အတွင်း ကျောက်စထိမှန်၍ ခြေသလုံးတွင်  ဒဏ်ရာ အကြီးအကျယ် ရသွားသည်ကို တွေ့ရှိရကြောင်း ပြောကြားသည်။

အကျဉ်းထောင်အသီးသီးမှ ရဲဘက်ကျောက်ထုတ်စခန်းသို့ ရောက်ရှိလာသော အကျဉ်းသားများကို စခန်းသို့ရောက်ရှိသည့်အချိန်မှစ၍ အနည်းဆုံးတစ်လအထိ ခြေချင်းခတ်၍ ခိုင်းစေကြောင်း၊ လုံခြုံရေးအရစိတ်မချရသော အကျဉ်းသားများကိုလည်း အနည်းဆုံး တစ်လအထိ ခြေချင်းခတ်ကြောင်း  ဇင်းကျိုက် ကျောက်ထုတ်စခန်းကို အုပ်ချုပ်သော အကျဉ်းဦးစီးဌာနမှ  လက်ထောက် ညွှန်ကြားရေးမှုး ဦးအောင်လွင်ဦးက ဆိုသည်။

“အကျဉ်းသားတွေက သတ်မှတ်ထားတဲ့ စည်းကမ်းကို မလိုက်နာနိုင်ဘူး ဆိုရင် နောက်ထပ်ပြစ်ဒဏ် ထပ်မတိုးစေချင်တဲ့ စေတနာနဲ့ ထောင်ပိုင်တစ်ယောက် အနေနဲ့ အပြစ်ပေးတဲ့ သဘောနဲ့ ဒီလိုမျုိုးလုပ်ပိုင်ခွင့် ကျွန်တော်တို့ဆီမှာ ရှိတယ်” ဟု တပ်မတော်အရာရှိအဖြစ်မှ အကျဉ်းဦးစီးဌာနသို့ ပြောင်းရွှေ့လာသူ ဦးအောင်လွင်ဦးက ဆိုသည်။

လုံခြုံရေးအရစိုးရိမ်ရသော အကျဉ်းသားကို ထောင်အရာရှိက သံခြေချင်းခတ်ခွင့်ရှိသည်ဟု ၁၈၉၄ အကျဉ်းထောင် လက်စွဲဥပဒေတွင်ပြဋ္ဌာန်းထားသော်လည်း အကျဉ်းထောင်အသီးသီးမှ ရဲဘက်စခန်းများသို့ ရောက်ရှိလာသော အကျဉ်းသားတို့ကို စခန်းရှိထောင်ပိုင်များက မည်သူမည်ဝါသည် လုံခြုံရေးအရ စိုးရိမ်ရသည် ဆိုသည်ကို ခွဲခြား စိစစ်ခြင်း မပြုနိုင်သဖြင့် ရောက်လာသော လူသစ်အားလုံးအား အနည်းဆုံးခြေချင်းတစ်လခတ်ပြီး အလုပ်ခိုင်းစေကြောင်း အကျဉ်းဦးစီးဌာန ပြောရေးဆိုခွင့်ရှိသူ ဒုတိယညွှန်ကြားရေးမှုး ဦးမင်းထွန်းစိုးက ဆိုသည်။

“ပြစ်ဒဏ်ပေးတဲ့အနေနဲ့ သံခြေချင်းခတ်တယ် ဆိုတာတော့ လုပ်လို့မရဘူး။ လုံခြုံရေးအရ ဆိုရင်တော့ ခတ်လို့ရတယ်။ လုံခြုံရေးအရ လိုအပ်ရင် သုံးလအထိတောင် ခတ်လို့ရတယ်” ဟု ၎င်းက ဆက်၍ပြောကြားသည်။

ပြည်ထဲရေးဝန်ကြီးဌာနအောက်ရှိ အကျဉ်းဦးစီးဌာနတွင် အကျဉ်းထောင် ၄၆ ခု၊  ရဲဘက်အလုပ်စခန်း ၄၈ ခု ရှိပြီး၊  အကျဉ်းသား ၁ဝဝ,ဝဝဝ ခန့် ပြစ်ဒဏ်ကျခံနေရသည်။

လွန်ခဲ့သည့် နှစ်အနည်းငယ်အတွင်း အကျဉ်းသားများ၏ အစားအသောက်အနေအထိုင်နှင့် ပတ်သက်၍ တိုးတက်လာသည်ဟု ဆိုသော်လည်း အလုပ်ကြမ်းအကျဉ်းစခန်းများတွင် နှိပ်စက်မှု၊ လာဘ်ပေးရမှု၊ အကျဉ်းသားအပေါ် ခေါင်းပုံဖြတ်မှု အများအပြား ရှိနေဆဲဖြစ်သည်။

၂ဝဝ၈  ဖွဲ့စည်းပုံအခြေခံဥပဒေ အခန်း ၁ တွင် ပြဋ္ဌာန်းထားသော လူ့ဂုဏ်သိက္ခာ ညှိုးနွမ်း သေးသိမ်စေသည့် ပြစ်ဒဏ် ပြဋ္ဌာန်းခွင့် မရှိစေရဟူသော အချက်ကို ချိုးဖောက်သည့်သဘော သက်ရောက်သည့် လူ့အခွင့်အရေး အချိုးဖောက်မှုများ၊ အကျဉ်းသား၏လုပ်အားကို ပုဂ္ဂလိက အကျိုးစီးပွားနှင့် မဆက်စပ်ရဟူသော မြန်မာနိုင်ငံက လက်မှတ်ရေးထိုးထားသည့် အဓမ္မခုိုင်းစေမှုဆိုင်ရာ ၁၉၃ဝ နိုင်ငံတကာ အလုပ်သမားအဖွဲ့အစည်း ပဋိညာဉ် (IL0 Forced Labor Convention, 1930) ကို ပြောင်ပြောင်တင်းတင်း ချိုးဖောက်၍ အကျဉ်းသား၏လုပ်အားကို အသုံးပြု၍ စီးပွားရှာနေမှုများ စသည့် အခြေအနေများသည် အကျဉ်းဦးစီးဌာန အလုပ်ကြမ်း ရဲဘက် အကျဉ်းစခန်းများတွင် ဆက်လက် ဖြစ်ပျက်နေကြောင်း Myanmar Now က  ၂ဝ၁၆ ခုနှစ်တွင် ရေးသား ထုတ်ဝေသော  “ငရဲဘုံအလားအကျဉ်းစခန်းများ” သတင်းဆောင်းပါးတွင် ဖော်ပြခဲ့သည်။

ထိုဆောင်းပါး ထုတ်ဝေပြီးနောက် ရဲဘက်အကျဉ်းစခန်းများ ပိတ်သိမ်းရန် အစီစဉ်ရှိမရှိ အမျိုးသားဒီမိုကရေစီအဖွဲ့ချုပ် လွှတ်တော် အမတ်များက လွှတ်တော်တွင် နှစ်ကြိမ်တုိုင် မေးမြန်းရာ ပြည်ထဲရေးဝန်ကြီးဌာန ဒုတိယဝန်ကြီး ဗိုလ်ချုပ်အောင်စိုးက ထိုအကျဉ်းစခန်းများသည် အကျဉ်းသားတို့ အသက်မွေးဝမ်းကြောင်း ပညာများ တတ်မြောက်စေရန် ရည်ရွယ် ဖွင့်လှစ်ထားခြင်း ဖြစ်သောကြောင့် ပိတ်သိမ်းရန် အစီအစဉ် မရှိကြောင်း ပြန်လည် ပြောဆိုခဲ့သည်။

သို့သော် ထိုအကျဉ်းစခန်းများ၏ အန္တရာယ်ရှိကျောက်မိုင်းလုပ်ငန်းခွင်များတွင် ကျောက်ခွဲ၊ ကျောက်သယ်ခြင်း စသည့် အလုပ်များကို နိစ္စဓူဝ ခိုင်းစေခြင်းမှအပ မည်သည့် အသက်မွေးဝမ်းကြောင်း အလုပ်ကိုမျှ သင်ကြားပေးခြင်း မရှိကြောင်း အကျဉ်းစခန်းများမှ လွတ်မြောက်လာသူများက ဆိုသည်။ 

ဇင်းကျိုက် အကျဉ်းစခန်း ထောင်ပိုင်ဦးအောင်လွင်ဦးကလည်း ကျောက်ခွဲ၊ ကျောက်သယ်ခြင်းမှအပ သူ့စခန်းရှိ အကျဉ်းသားများကို အခြားသော အသက်မွေးဝမ်းကြောင်းပညာများ သင်ကြားပေးခြင်း မရှိကြောင်း ပြောသည်။

“တခြားပညာတွေသင်ပေးဖို့ ဆိုတာက ကျွန်တော်တို့အနေနဲ့ လုပ်လို့မရဘူး၊ အထက်ဌာနကနေ စီမံချက်တစ်ခုနဲ့ စီစဉ် ဆောင်ရွက်ပေးမှသာလျှင် ဒီလိုမျိုးပုံစံက ဖြစ်လာမှာ။ စောစောက ကျွန်တော် ပြောသလိုပဲ ကျွန်တော်တို့စခန်းရဲ့ရည်ရွယ်ချက်က ကျောက်ထုတ်ဖို့။ ကျောက်ထုတ်ဖို့ဆိုတော့ ပိတ်ရက်ကလွဲလို့ ကျောက်နဲ့ပဲ နိစ္စဓူဝ ထိတွေ့ရမှာပဲ” ဟု သူက ဆိုသည်။ ။

Read More

ဦးကိုနီအမှု ဖမ်းမိသူနှစ်ဦးထဲကိုသာ အရေးယူသွားမှာ စိုးရိမ်

  

ရန်ကုန်မြို့တွင် ပြုလုပ်သော ရှေ့နေဦးကိုနီ ဈာပန မြင်ကွင်းတစ်ခု (ဓာတ်ပုံ - ဆွေဝင်း / Myanmar Now)

ထက်ခေါင်လင်း/ Myanmar Now

ရန်ကုန် (Myanmar Now) - ရန်ကုန်လေဆိပ် လုပ်ကြံ သတ်ဖြတ်မှုနဲ့ ပတ်သက်ပြီး ဖမ်းဆီးထားတဲ့ သေနတ်သမား ဦးကြည်လင်း၊ ဦးအောင်ဝင်းဇော်တို့ နှစ်ဦးကိုသာ အရေးယူပြီး ကျန်တဲ့ ကွင်းဆက်တရားခံတွေ ဖော်ထုတ်ဖမ်းဆီးနိုင်ခြင်း မရှိဘူးဆိုရင် အစိုးရအပေါ် ပြည်သူတွေ ယုံကြည်မှု အားနည်းသွားမယ်လို့ အမှုမှန် ပေါ်ပေါက်စေချင်တဲ့ ပြည်သူတချို့က ဝေဖန်နေကြပါတယ်။

ဝေဖန်သူတွေထဲက တစ်ယောက်ကတော့  ဦးကိုနီနဲ့ ရင်းနှီးတဲ့ အထင်ကရ စာရေးဆရာ ချစ်ဦးညို ဖြစ်ပါတယ်။

လုပ်ကြံမှုကို စီစဉ်တယ်လို့ အာဏာပိုင်တို့ ယူဆနေသူ  ဦးအောင်ဝင်းခိုင် လွတ်မြောက်နေတဲ့အချက်ကို ဘဝင်မကျကြောင်း ရန်ကုန်မြို့မှာ နေထိုင်တဲ့ စာရေးဆရာ ချစ်ဦးညိုက ပြောပါတယ်။

“အခုမိထားတဲ့နှစ်ဦးထဲနဲ့ ဒီအမှုပြီးသွားမှာကို စိတ်ပူတာ။ နောက်ဆုံးကွင်းဆက်တရားခံက လွတ်နေတာကြောင့် ကွင်းဆက်တွေ ပျောက်သွားပါပြီဆိုပြီး လုပ်မှာကို စိတ်ပူတာ။ သံသယရှိတယ်ဆိုတဲ့သူတွေရဲ့ ဓာတ်ပုံတွေကို စောစောစီးစီး ထုတ်ပြရင် ပြည်သူတွေကလည်း သူဘယ်မှာဆိုတာ ရဲတပ်ဖွဲ့ကို သတင်းပေးလို့ရတာပေါ့။ အခုက အကြောင်းတစ်ခုခုကြောင့် သတိထား ထုတ်ပြန်နေသလိုပဲ” လို့ သူက ဆိုပါတယ်။

ဆရာချစ်ဦးညိုက ဦးကိုနီနဲ့ ရင်းနှီးခဲ့တဲ့ ၄ နှစ်အတွင်း မကြာခဏ တွေ့ဆုံခဲ့သလို ဇနီးဖြစ်သူကလည်း ဦးကိုနီရဲ့ ဥပဒေဆိုင်ရာသင်တန်းတက်ခဲ့ပါတယ်။

ဦးကိုနီဟာ တပ်မတော် စိတ်တိုင်းကျ ရေးဆွဲထားတဲ့ ၂၀၀၈ ခုနှစ် ဖွဲ့စည်းပုံအခြေခံဥပဒေကို အလွတ်ရလုနီးပါး လေ့လာထားသူဖြစ်ပြီး စာရေးရာမှာ၊ စကားပြောရာမှာ၊ အတွေးအမြင်မှာ၊ လုပ်ကိုင်မှုတွေမှာ ရှင်းရှင်းလင်းလင်း လုပ်တဲ့သူဖြစ်တယ်လို့ ဆရာချစ်ဦးညိုက သုံးသပ်ပါတယ်။

၂၀၀၈ ခုနှစ် ဖွဲ့စည်းပုံအခြေခံဥပဒေအရ  ဒေါ်အောင်ဆန်းစုကြည် သမ္မတ မဖြစ်နိုင်တဲ့ အနေအထားကနေ နိုင်ငံတော်အတိုင်ပင်ခံပုဂ္ဂိုလ်ဖြစ်လာတဲ့အထိ  ဦးကိုနီနဲ့ လုပ်ဖော်ကိုင်ဘက် ဥပဒေရေးရာ ကျွမ်းကျင်သူတွေ စွမ်းဆောင်ခဲ့တယ်လို့ ဆရာချစ်ဦးညိုက ရှင်းပြပါတယ်။

"သူ့ကို လူပုံအလယ်မှာ သေနတ်နဲ့ ပစ်သတ်တယ်ဆိုတာ  လူတွေကို တုန်လှုပ်ချောက်ချားသွားအောင်လို့ လုပ်ပြတဲ့လုပ်ရပ်၊ ကောက်ကျစ်တဲ့သူတစ်စုက သေသေချာချာ အကွက်ချစီမံတဲ့လုပ်ရပ်ဖြစ်တယ်" လို့ စာရေးဆရာချစ်ဦးညိုက ဆိုပါတယ်။

အမှုနဲ့ ပတ်သက်ပြီး အစိုးရရဲ့ ထုတ်ပြန်ချက်တွေဟာ ပြည်သူလူထုသိလိုတဲ့အချက်တွေနဲ့ ကိုက်ညီမှုမရှိဘူး၊ ရဲတပ်ဖွဲ့အနေနဲ့ ပြည်သူလူထုရဲ့ ပူးပေါင်းကူညီမှုကို ရဖို့ဆိုရင် အချက်အလက်တွေကို တိတိကျကျ ထုတ်ပြန်ပေးဖို့ လိုတယ်လို့ သူက ဆက်ပြောပါတယ်။ 

မြန်မာနိုင်ငံ ရှေ့နေများကွန်ရက်ကလည်း ရှေ့နေ ဦးကိုနီကို လုပ်ကြံခဲ့တဲ့ ဆက်စပ်တရားခံတွေကို အမြန်ဆုံးဖော်ထုတ်ပေးဖို့  ဖေဖော်ဝါရီ ၁၉ ရက်နေ့မှာ တောင်းဆိုလိုက်ပြီး အာဏာပိုင်တို့ရဲ့ သတင်းထုတ်ပြန်မှု အားနည်းနေသလို အရေးယူဆောင်ရွက်မှုလည်း နှေးကွေးတယ်လို့ ဝေဖန်လိုက်ပါတယ်။

အစိုးရရဲ့ သတင်းထုတ်ပြန်မှု

လွတ်မြောက်နေတဲ့ ကွင်းဆက်တရားခံတွေ ဖမ်းဆီးရမိဖို့ တပ်မတော်နဲ့ ရဲတပ်ဖွဲ့တို့ ပူးပေါင်း ဖော်ထုတ်နေတယ်လို့ သမ္မတရုံးက ဆိုပါတယ်။  ဖော်ထုတ်ရရှိတာတွေကို   ပြည်သူကို အသိပေး တင်ပြသွားမယ်၊ ပြည်သူတွေအနေနဲ့ လူမျိုးရေး ဘာသာရေးသွေးထိုးမှုတွေ၊ တည်ငြိမ်အေးချမ်းရေး ပျက်ပြားအောင် လုပ်ဆောင်မှုတွေကို သတိထားဖို့နဲ့ ထွက်ပြေးနေတဲ့ တရားခံ၊ တည်ငြိမ်အေးချမ်းရေး ပျက်ပြားအောင် လုပ်ဆောင်မှုတို့နဲ့ ပတ်သက်ပြီး သတင်းရရင်  တာဝန်ရှိသူတွေကို  အသိပေးဆက်သွယ်ဖို့ ဖေဖော်ဝါရီ ၁၅ ရက်နေ့  သမ္မတရုံး ထုတ်ပြန်ချက်မှာ ဖော်ပြထားပါတယ်။

၂၀၁၃ ခုနှစ် ဘော်စတွန်မြို့ အပြေးပြိုင်ပွဲ ဗုံးခွဲခံရမှုမှာလည်း အမေရိကန် အာဏာပိုင်တို့က  သံသယတရားခံတွေရဲ့ ပုံရိပ်တချို့ကို ချက်ချင်းဆိုသလို ထုတ်ပြန်ပါတယ်။ မကြာသေးခင် ရက်ပိုင်းအတွင်း မလေးရှားနိုင်ငံ ကွာလာလမ်ပူ နိုင်ငံတကာလေဆိပ်မှာ မြောက်ကိုရီးယား ခေါင်းဆောင်ဟောင်းရဲ့ သားဖြစ်သူ လုပ်ကြံခံရတော့ မလေးရှားအာဏာပိုင်တို့က လေဆိပ် လုံခြုံရေးကင်မရာတွေကနေ မှတ်တမ်းတင်ထားတဲ့ သံသယတရားခံရဲ့ ပုံရိပ်တွေကို အများသိအောင် ထုတ်ပြန်ခဲ့ပါတယ်။

ရန်ကုန်လေဆိပ် ရှေ့နေ ဦးကိုနီ လုပ်ကြံသတ်ဖြတ်ခံရမှုမှာတော့ မြန်မာအာဏာပိုင်တွေရဲ့ သတင်းထုတ်ပြန်ဟာ ပတ်သက်ပြီး နှေးကွေးလွန်းတယ်၊ သတင်းအမှောင်ချထားတယ် စသဖြင့် ဝေဖန်ခံနေရပါတယ်။ လုပ်ကြံမှု ဖြစ်ပွားတာ တစ်လ ပြည့်ပါတော့မယ်။

နိုင်ငံတော်သမ္မတရုံး ခေတ္တညွှန်ကြားရေးမှူးချုပ် ဦးဇော်ဌေးကတော့ ဇန်နဝါရီ ၂၉ ရက်နေ့က ရှေ့နေ ဦးကိုနီ လုပ်ကြံခံရမှုနဲ့ ပတ်သက်ပြီး လေဆိပ်ရဲ့ လုံခြုံရေး ကင်မရာမှတ်တမ်းတွေ အများသိအောင် ထုတ်ပြန်ရေးက  ပြည်ထဲရေးဝန်ကြီးဌာနနဲ့ ပိုသက်ဆိုင်တဲ့သဘော ပြောပြပါတယ်။

“လေဆိပ်က CCTV မှတ်တမ်းတွေကို ထုတ်ပြန်တာ မထုတ်ပြန်တာကတော့ ပြည်ထဲရေးကိုပဲ မေးပါ။ ကျွန်တော်တို့က သူတို့ ပေးပို့တာကို ထုတ်ပြန်တာ။ ကျွန်တော်တို့အစိုးရသဘောထားကတော့ ကျွန်တော်တို့ ထုတ်ပြန်ချက်တွေအတိုင်းပါပဲ” လို့ ဦးဇော်ဌေးက Myanmar Now ကို ပြောပါတယ်။

ပြည်ထဲရေးဝန်ကြီးဌာန၊   ဒုတိယညွှန်ကြားရေးမှူးတစ်ယောက် ဖြစ်တဲ့ ဒုတိယရဲမှူးကြီးတင်ဝင်းကတော့ ဦးကိုနီအမှုနဲ့ ပတ်သက်ပြီး နိုင်ငံတော်သမ္မတရုံးကသာ သတင်းထုတ်မယ်လို့ ပြောပါတယ်။

“ကျွန်တော်တို့က စစ်ဆေးရေးအဖွဲ့က လူတွေမဟုတ်ဘူး။ ကျွန်တော်တို့လည်း ဘာဆိုတာ မသိရဘူး။ စစ်ဆေးတဲ့အဖွဲ့က ရရှိချက်တွေကို သမ္မတရုံးဆီကနေတစ်ဆင့် ထုတ်ပြန်တာပါ။ စစ်ဆေးတဲ့အဖွဲ့တွေကပဲ ဘာကိုထုတ်ပြန်မယ်၊ မထုတ်ပြန်ဘူးဆိုတာ သူတို့ပဲ လုပ်တာ” လို့ ဒုတိယရဲမှူးကြီးတင်ဝင်းက ဆိုပါတယ်။

ပြီးခဲ့တဲ့ရက်ပိုင်းအတွင်း Myanmar Now က  ပြန်ကြားရေးဝန်ကြီး ဦးဖေမြင့်နဲ့  သီးသန့် တွေ့ဆုံရာမှာ ဝန်ကြီးက ဒီအမှုဟာ အလွန်အရေးကြီးတဲ့အမှုအခင်းဖြစ်ပြီး မိမိတို့လည်း အဖြေကို အများနည်းတူ သိချင်နေတယ်လို့ ဆိုပါတယ်။

စုံစမ်းရေးတာဝန်တွေကို ထမ်းဆောင်နေကြသူတွေက အမှုမှန် ပေါ်ရေး အလေးအနက်ထားပြီး လုပ်ကိုင်နေတယ်၊ လုပ်ကြံမှုမှာ ပါဝင်သူ တချို့ကိုလည်း ဖမ်းဆီးရမိထားတာကြောင့် ကျန်တဲ့ ကွင်းဆက်တွေကို  အချိန်တန်ရင်မိမယ်လို့ ယူဆကြောင်း ဝန်ကြီးက ပြောပါတယ်။ ။

Read More