အမတ်တာဝန်မှရုပ်သိမ်းရေးဥပဒေကြမ်း လွှတ်တော်တွင် ဆွေးနွေးမည်
လွှတ်တော်ကိုယ်စားလှယ်ကို တာဝန်မှ ပြန်လည် ရုပ်သိမ်းသည့် ဥပဒေကြမ်း အတည်ပြုနိုင်ရေး အတွက် လွှတ်တော် သဘောထားရယူကာ ဆောင်ရွက်သွားမည်ဖြစ်ကြောင်း ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီ အတွင်းရေးမှူး ဦးစောလှထွန်းက ပြောသည်။
မဲဆန္ဒရှင် တစ်ရာခိုင်နှုန်းက တိုင်ကြားသည့် လွှတ်တော်ကိုယ်စားလှယ်ကို တာဝန်မှ ပြန်လည် ရုပ်သိမ်းရန် ဥပဒေကြမ်းတွင် ဖော်ပြထားသည်။
“ဒီဥပဒေက လေလောဆယ်တော့ ဆိုင်းငံ့ထားတာပေါ့။ လွှတ်တော်က သဘောတူတယ်ဆိုရင်တော့ ဆက်လုပ်ဖို့ အဆင်သင့်။ ဥပဒေက ရေးထားပြီးသားပါ” ဟု ဦးစောလှထွန်းက ပြောသည်။ (ကိုးကား - 7Day Daily)
တာမိုးညဲ ပြည်ခိုင်ဖြိုးအမတ်၏ကား တိုက်ခိုက်ခံရ၊ လုံခြုံရေး ၂ ဦး ဒဏ်ရာရ
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ပြည်နယ်လွှတ်တော်ကိုယ်စားလှယ် ဦးမြင့်လွင်က သူ၏ ကားတစ်စီး နိုဝင်ဘာ ၁၄ ရက်က တာမိုးညဲနှင့် ကွတ်ခိုင်မြို့နယ်အကြားတွင် ချောင်းမြောင်း ပစ်ခတ်ခံရသဖြင့် လုံခြုံရေးလိုက်ပါလာသည့် ပြည်သူ့စစ်နှစ်ဦး ဒဏ်ရာ ရသွားသည်ဟု ပြောသည်။
ဦးမြင့်လွင်လိုက်ပါသော ကားမှာမူ ပစ်ခတ်မှု ဖြစ်ပွားချိန်တွင် ကွတ်ခိုင်သို့ရောက်နေပြီဖြစ်ကြောင်း၊ ပစ်ခတ်ခံရသောကားမှာ ယခင်က သူအမြဲစီးနေကျကားဖြစ်ကြောင်း သိရသည်။
မည်သူတို့က တိုက်ခိုက်သည်ကို မသိသော်လည်း ပစ်ခတ်မှုဖြစ်ပွားခဲ့သည့် နယ်မြေမှာ ပလောင်ဓားပြများ၊ ကချင်လက်နက်ကိုင်အဖွဲ့ (ကေအိုင်အေ) တို့ လှုပ်ရှားနေသည့် နယ်မြေဖြစ်ကြောင်း နိုဝင်ဘာ ၈ ရွေးကောက်ပွဲတွင် ပြန်လည် ရွေးကောက်တင်မြှောက်ခံခဲ့ရသည့် ဦးမြင့်လွင်က ပြောသည်။ (ကိုးကား - 7Day Daily)
သူရဦးရွှေမန်းနှင့် ဒေါ်အောင်ဆန်းစုကြည် နိုဝင်ဘာ ၁၉ တွင် ဆွေးနွေးမည်
ဒေါ်အောင်ဆန်းစုကြည်နှင့် နိုဝင်ဘာ ၁၉ ရက်နေ့တွင် တွေ့ဆုံ ဆွေးနွေးသွားမည်ဖြစ်ကြောင်း၊ တနင်္ဂနွေနေ့ကလည်း ခေတ္တတွေ့ဆုံခဲ့ပြီးဖြစ်ကြောင်း ပြည်ထောင်စုလွှတ်တော် နာယက သူရဦးရွှေမန်းက သူ၏ Facebook တွင် ရေးလိုက်သည်။
အမျိုးသားပြန်လည် သင့်မြတ်ရေးသဘောထားကို အခြေခံသည့်တွေ့ဆုံ ဆွေးနွေးမှုလုပ်ရန် ရွေးကောက်ပွဲ အပြတ်အသတ်အနိုင်ရပါတီ၏ခေါင်းဆောင် ဒေါ်အောင်ဆန်းစုကြည်က သမ္မတဦးသိန်းစိန်၊ ကာကွယ်ရေးဦးချုပ် ဗိုလ်ချုပ်မှူးကြီးမင်းအောင်လှိုင်တို့ကိုလည်း ကမ်းလှမ်းထားသည်။
တွေ့ဆုံရေးအတွက် ရွေးကောက်ပွဲကော်မရှင်၏ လုပ်ငန်းစဉ်များ ပြီးဆုံးမှ နှစ်ဘက် ညှိနှိုင်းမည်ဟု သမ္မတ၊ ဗိုလ်ချုပ်မှူးကြီးတို့က အကြောင်းပြန်ထားကြသည်။ (ကိုးကား - Democracy Today)