တိုက်ပွဲကြောင့် ရွေးကောက်ပွဲမလုပ်နိုင်သည့်ဒေသ တိုးပွားလာ
ရှမ်းပြည်နယ် ကျေးသီးမြို့နယ်အတွင်း တိုက်ပွဲဖြစ်ပွားနေသောကြောင့် ရွေးကောက်ပွဲကျင်းပပေးနိုင်ခြင်းမရှိသည့် ဒေသတချို့ ထပ်မံ ပေါ်ပေါက်လာဦးမည်ဟု ရွေးကောက်ပွဲကော်မရှင် ညွှန်ကြားရေးမှူး ဦးသောင်းလှိုင်က ပြောသည်။
ကျေးရွာ အုပ်စုပေါင်း ၄၀၀ ကျော်တွင် လုံခြုံရေးအခြေအနေအရ ရွေးကောက်ပွဲကျင်းပမည်မဟုတ်ကြောင်း ကော်မရှင်က အောက်တိုဘာ ၁၂ ရက်နေ့တွင် ကြေညာထားသည်။ (ကိုးကား - 7Day Daily)
အော်တစ်ဇင် နေ့ကလေးထိန်းဌာန မန္တလေးတွင်ဖွင့်မည်
အော်တစ်ဇင် ကလေးများအတွက် နေ့ကလေးထိန်းဌာန မန္တလေးတွင်ဖွင့်မည်ဟု အောက်တိုဘာ ၁၂ တွင် ဖွဲ့စည်းလိုက်သည့် မန္တလေး အော်တစ်ဇင်အသင်း ဥက္ကဋ္ဌ ဒေါ်နွယ်နီဝင်းက ပြောသည်။
အော်တစ်ဇင်ဖြစ်ပွားသူသည် ဦးနှောက်နှင့်အာရုံကြောဆိုင်ရာ ဖွံ့ဖြိုးမှု ပုံမှန်မဟုတ်ခြင်းကြောင့် စွမ်းဆောင်ရည်အကန့်အသတ်ဖြင့် နေထိုင်ကြသူများဖြစ်သည်။
ကမ္ဘာပေါ်တွင် အော်တစ်ဇင်ဖြစ်ပွားသူ ၆၇ သန်း နီးပါး ရှိသည်ဟု သိရသည်။ (ကိုးကား - The Voice Daily)
NLD မဲဆွယ်ကားကို နေပြည်တော်တွင် တားဆီး
အမျိုးသားဒီမိုကရေစီအဖွဲ့ချုပ်အတွက် မဲဆွယ်သည့် ဂီတသမားများစီးနင်းလာသည့်ယာဉ်ကို အာဏာပိုင်တို့က နေပြည်တော်တပ်ကုန်းမြို့အဝင် စစ်ဆေးရေးဂိတ်တွင် တနင်္လာနေ့ညနေပိုင်းက ၂ နာရီကြာ တားဆီးခဲ့သည်။
ပျော်ဘွယ်၊ ရမည်းသင်းမြို့နယ်တို့တွင် သွားရောက်မဲဆွယ်ပြီး ရန်ကုန်အပြန်တွင် ထိုသို့ တားဆီးပြီး အဆိုတော်၊ ဂီတသမားတို့၏ ကိုယ်ရေးအကျဉ်းကို မေးမြန်းခဲ့ကြောင်း သိရသည်။ (ကိုးကား - The Daily Eleven)