မြိုင်၊ ရေစကြိုတို့တွင် သောက်သုံးရေ အခက်တွေ့
မကွေးတိုင်း မြိုင်၊ ရေစကြို စသည့်မြို့နယ်များရှိ ရေရှားပါးသည့် ကျေးလက်ဒေသများတွင် အဝီစိတွင်းများ ရေမထွက်ခြင်း၊ ရေကန်များ ခန်းခြောက်လာခြင်းကြောင့် သောက်သုံးရေ အခက်တွေ့နေကြောင်း ဒေသခံများထံမှ သိရသည်။ ရေထွက်သည့် အနီးဆုံးကျေးရွာများမှ ဝယ်ယူနေရကြောင်း၊ ပခုက္ကူမြို့ လူမှုရေးအသင်းများ၏ ရေသယ်ကားများလည်း လာရောက် လှူဒါန်းကြောင်း သိရသည်။ မြိုင်မြို့နယ်အတွင်း ကျေးရွာများတွင် စက်ရေတွင်းတူးလျှင် မြေအောက်အနက် ပေ ၆ဝဝ မှ ပေ ၁,ဝဝဝ ခန့်အထိ တူးဖော်ရသည်ဟု ဆိုသည်။ (ကိုးကား - Daily Eleven)
ဆရာဝန်ထောက်ခံစာမပြနိုင်သဖြင့် ဦးဂမ္ဘီရ အာမခံ မရ
ထိုင်းမြန်မာနယ်စပ်ကို တရားမဝင် ဖြတ်ကျော်မှုဖြင့် တရားရင်ဆိုင်နေရသည့် ရွှေဝါရောင်လှုပ်ရှားမှုခေါင်းဆောင် ဦးဂမ္ဘီရ ခေါ် ဦးညီညီလွင်က ပြင်ပတွင် ဆေးကုသမှု ခံယူရေးအတွက် အာမခံလျှောက်ထားခြင်းကို မဟာအောင်မြေမြို့နယ် တရားရုံးက ဖေဖော်ဝါရီ ၁ဝ ရက်နေ့တွင် ပယ်ချလိုက်သည်။
အကျဉ်းထောင်ထဲတွင် ဆေးကုသခွင့်ရနေခြင်း၊ ပြင်ပအထူးကုဆေးခန်း ဆရာဝန်များနှင့် ပြသရန် လိုအပ်ကြောင်း ထောက်ခံစာမတင်သွင်းခဲ့ခြင်းတို့ကြောင့် ပယ်ချခြင်းဖြစ်ကြောင်း သိရသည်။ သူ၏ရှေ့နေက လာမည့်ရုံးချိန်းတွင် ထောက်ခံစာတင်သွင်းမည်ဟု ဆိုသည်။ (ကိုးကား - Daily Eleven)
၎ နှစ်အတွင်း တပ်မတော် လေယာဉ် ၃ စင်း ပျက်ကျ
ဖေဖော်ဝါရီ ၁ဝ ရက်နေ့က နေပြည်တော်အနီး စမ်းသပ်မောင်းနှင်နေသော Beech-1900D လေယာဉ်ပျက်ကျမှုတွင် လေယာဉ်တွင် ပါဝင်သူ တပ်မတော်သား ၅ ဦး သေဆုံးသွားသည်။
၂၀၁၄ ဇွန်လက မကွေးတိုင်းတွင် လေ့ကျင့်ပျံသန်းနေသော MiG 29 UB တိုက်လေယာဉ် ပျက်ကျခဲ့ရာ လေယာဉ်မှူးမှာ လေထီးဖြင့်ခုန်ချနိုင်ခဲ့သည်။
၂၀၁၃ ဇန်န၀ါရီလက တပ်မတော်လေမှ Mi-35 ရဟတ်ယာဉ်တစ်စီး မြစ်ကြီးနားမြို့၊ တာလောကြီးကျေးရွာအနီး ပျက်ကျရာ ရဟတ်ယာဉ်တွင် လိုက်ပါသူ အရာရှိ ၃ ဦး သေဆုံးခဲ့ကြောင်း သိရသည်။ (ကိုးကား - 7Day Daily)