လက်ပံတောင်းဒေသ ကြေးနီထုတ်လုပ်မှု မေလတွင် စတင်ဖွယ်ရှိ
လက်ပံတောင်းဒေသ ကြေးနီထုတ်လုပ်မှုကို မေလတွင် စတင်နိုင်ရန် လုပ်ဆောင်နေကြောင်း မြန်မာဝမ်ပေါင် ကုမ္ပဏီ၏ ပြောရေးဆိုခွင့်ရှိသူ Mr. Dong Yunfei က ဗုဒ္ဓဟူးနေ့တွင် ပြောလိုက်သည်။
ကြေးနီတူးဖော်ရေးစီမံကိန်းတည်ဆောက်ရေး လုပ်ငန်းများ လုပ်ဆောင်နေဆဲဖြစ်ကြောင်း၊ မြန်မာအစိုးရ၊ မြန်မာ့စီးပွားရေး ဦးပိုင်လီမိတက်၊ မြန်မာဝမ်ပေါင် ကုမ္ပဏီတို့ တစ်နှစ်လျှင် ဒေါ်လာ သန်း ၂ဝဝ ကျော် ရရှိနိုင်မည့် ထိုစီမံကိန်းမှ ထွက်လာမည့် စွန့်ပစ်ကျောက်၊ အက်ဆစ်ပျော်ရည်တို့ကြောင့် စီမံကိန်း ဧရိယာအတွင်း ပတ်ဝန်းကျင်ပျက်စီးမှု အကြီးအကျယ် ဖြစ်နိုင်ကြောင်း သိရသည်။ (ကိုးကား - Daily Eleven)
မြန်မာနှင့်ကိုက်ညီသည့် ဒီမိုကရေစီ လိုအပ်ဟု ကာချုပ်ပြော
နိုင်ငံနှင့် ကိုက်ညီသည့် ဒီမိုကရေစီ ခိုင်မာလာစေရန် မြန်မာ့တပ်မတော်က လုပ်ဆောင်သွားမည်ဟု ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က အီတလီသံအမတ်ကြီး Mr. Pier Giorgio ALIBERTI နှင့် ဗုဒ္ဓဟူးနေ့တွင် တွေ့ဆုံစဉ် ပြောကြားလိုက်သည်။
အစိုးရသစ်လက်ထက် နိုင်ငံရေးအခြေအနေနှင့် ပတ်သက်ပြီး သံအမတ်ကြီး၏ မေးမြန်းချက်ကို ဖြေကြားစဉ် ထိုသုို့ ပြောကြားလိုက်ခြင်းဖြစ်သည်။ (ကိုးကား - မြန်မာ့အလင်း)
မြန်မာအလုပ်သမားများ ထိုင်းဗီဇာသက်တမ်းတိုးခွင့် ကနဦး သဘောတူညီချက် ရရှိ
ထိုင်းနိုင်ငံရောက် မြန်မာအလုပ်သမားများ နေထိုင်အလုပ်လုပ်ခွင့် ဗီဇာ၎ နှစ် နှင့် ၆ နှစ် သက်တမ်းပြည့်သွားပြီးနောက်ပိုင်း ဗီဇာသက်တမ်းတိုးနိုင်မည့် အစီအစဉ်ကို စနေနေ့က ပြီးစီးသွားသည့် နှစ်နိုင်ငံ အလုပ်သမားရေးရာ ကျွမ်းကျင်သူများ အစည်းအဝေးတွင် ကနဦးသဘောတူညီချက် ရသွားကြောင်း သိရသည်။
ထိုင်းကိုယ်စားလှယ်အဖွဲ့က ၎င်းတို့၏အစိုးရထံ အစည်းအဝေး ရလဒ် တင်ပြပြီး ဆက်လက် လုပ်ဆောင်သွားမည်ဟု အလုပ်သမားညွန်ကြားမှု ဦးစီးဌာန ညွန်ကြားရေးမှူးချုပ် ဦးမျိုးအောင်က ပြောသည်။
ထိုင်းတွင် ၂ နှစ်နေထိုင်ခွင့်ရ မြန်မာလုပ်သား ၄ သိန်းကျော်ရှိပြီး ဗီဇာသက်တမ်းလွန် လုပ်သား ၁ သိန်းကျော်ရှိကြောင်း အလုပ်သမားဦးစီးဌာနထံမှ သိရသည်။ (ကိုးကား - 7Day Daily)