၁၂ နှစ်အတွင်း ငွေကြေးခ၀ါချမှုမှ ကျပ်သန်းပေါင်း နှစ်သောင်းကျော် သိမ်းဆည်းရမိ
ပြီးခဲ့သည့် ၁၂ နှစ်အတွင်း ငွေကြေးခ၀ါချမှုလုပ်ငန်းမှ သိမ်းဆည်းရမိသည့် ငွေပမာဏ ကျပ် သန်းပေါင်း ၂ သောင်း ကျော် ရှိကြောင်း ငွေကြေးဆိုင်ရာ စုံစမ်းထောက်လှမ်းရေးတပ်ဖွဲ့မှ တာဝန်ရှိသူတစ်ဦးက ပြောသည်။
မူးယစ်ဆေးနှင့်လက်နက်ရောင်းဝယ်မှု၊ လူကုန်ကူးမှုတို့မှ ရရှိငွေကို အိမ်ခြံမြေ၊ ကျောက်စိမ်း၊ ဘဏ်လုပ်ငန်းများတွင် ရင်းနှီးမြှုပ်နှံကာ ငွေကြေးခ၀ါချခြင်းဖြစ်ကြောင်း သူက ဆက်ပြောသည်။ (ကိုးကား- The Voice Daily)
မြစ်ကြီးနားအနီး တပ်မတော်နှင့် KIA တို့ စစ်ရေးတင်းမာ
မြစ်ကြီးနားမြို့နှင့် ၁၀ မိုင် ဝေးကွာသော နမ်ကျင်ကျေးရွာ ပတ်ဝန်းကျင်တွင် တပ်မတော်ဘက်က တပ်အင်အားတိုးချဲ့ ထားခြင်းကြောင့် ကချင်လွတ်မြောက်ရေးတပ်မတော် (KIA) နှင့် စစ်ရေးတင်းမာနေကြောင်း သိရသည်။
တပ်မတော်က ဒေသခံ အမျိုးသမီးတစ်ဦးကို ဖမ်းဆီးသွားသည့် KIA နောက်သို့ လိုက်ရာမှ စစ်ရေးတင်းမာခြင်းဖြစ်သည်ဟု နှစ် ဖက်အသိုင်းအဝိုင်းနှင့် နီးစပ်သူ တစ်ဦးက ပြောသည်။
ထိုအမျိုးသမီးကို KIA က အင်္ဂါနေ့တွင် ပြန်လွှတ်လိုက်ပြီဖြစ်သောကြောင့် တခြားအကြောင်းပြချက် မရှိလျှင် တပ်မတော်က ပြန်ဆုတ်ခွာမည်ဟု ယူဆကြောင်း ငြိမ်းချမ်းရေးအကျိုးဆောင်အဖွဲ့မှ ဦးအင်ရှန်ဆန်အောင်က မှတ်ချက်ပြုသည်။ (ကိုးကား - 7Day Daily)
ဧက ၄ သိန်းနီးပါး ပြန်ပေးခဲ့ကြောင်း မြေကော်မတီ ကြေညာ
မြေသိမ်းယာသိမ်းမှုဆိုင်ရာ တိုင်ကြားချက်များ၊ အစီရင်ခံစာများကို စစ်ဆေးပြီးနောက် မြေဧကပေါင်း ၃၇၄,၆၃ဝ.၅၅၇ ကို သက်ဆိုင်သူများထံ ပြန်လည် လွှဲပြောင်းပေးအပ်ခဲ့သည်ဟု အစိုးရ၏ မြေအသုံးချ စီမံခန့်ခွဲရေး ဗဟိုကော်မတီက ကြာသပတေးနေ့တွင် သတင်းထုတ်ပြန်သည်။
ပြန်လည်စွန့်လွှတ်မြေထဲတွင် မိမိပိုင်မြေ ပါဝင်ခြင်းရှိမရှိ မြို့နယ်အဆင့်၊ ရပ်ကွက်ကျေးရွာအဆင့် မြေအသုံးချ စီမံခန့်ခွဲရေး ကော်မတီများထံတွင် စုံစမ်းမေးမြန်းရန်လည်း မြေသိမ်းခံရသူတို့ကို တိုက်တွန်းကြောင်း ထုတ်ပြန်ချက်တွင် ရေးထားသည်။ (ကိုးကား - မြန်မာ့အလင်း)